मुंबई : देशातील आघाडीची दूरसंचार कंपनी व्होडाफोन-आयडियाने (वी) ‘एसओसी -२ टाईप टू अटेस्टेशन’ ही प्रगत जागतिक मान्यता मिळवली आहे. ही मान्यता मिळवणारी ती देशातील एकमेव दूरसंचार कंपनी आहे.

डेटा सुरक्षितता, ग्राहकांची संवेदनशील माहिती सुरक्षित ठेवून डिस्ट्रिब्युटेड डिनायल-ऑफ-सर्व्हिस हल्ले कमी करण्याप्रती कंपनीची वचनबद्धता यामुळे अधोरेखित झाली आहे. नोंदणीकृत स्वतंत्र सीपीए असोसिएशन ऑफ इंटरनॅशनल सर्टिफाइड प्रोफेशनल अकाउंटंट्सने केलेल्या काटेकोर मूल्यांकन प्रक्रियेत यशस्वी ठरल्यानंतर दिलेली ही मान्यता ‘एसओसी २ ट्रस्ट सर्व्हिस’वर आधारित आहे.

यासाठी सुरक्षितता, उपलब्धता, प्रक्रियेची अखंडता, गोपनीयता आदी प्रमुख निकषांनुसार मूल्यांकन केले जाते. या अटेस्टेशनमधून कंपनीची महत्त्वपूर्ण सुरक्षा धोरणे अंमलात आणण्याची क्षमता आणि प्रदीर्घ कालावधीत त्याचे अनुपालन केले जात असल्याचे दिसून येते, असे कंपनीने म्हटले आहे.