Gold Silver Rate Today: सोन्या-चांदीच्या भावात घसरण झाली आहे. आंतरराष्ट्रीय बाजारात सोन्याच्या भावात घसरण झाल्यामुळे 10 ग्रॅमचा भाव रु.58,090 च्या जवळ व्यवहार करत आहे. आज सोन्याचे भाव 120 रुपयांनी घसरले आहेत.

आंतरराष्ट्रीय बाजारात सोन्याचा दर

आंतरराष्ट्रीय बाजारातही सोन्याच्या भावात घसरण झाली आहे. कोमॅक्सवर सोन्याची किंमत प्रति औंस डॉलर 1926 वर व्यापार करत आहे. तर चांदीच्या भावात किंचित वाढ नोंदवली जात आहे.

सोने आणि चांदीचे भाव

कमोडिटी मार्केट तज्ज्ञ आणि आयआयएफएल सिक्युरिटीजचे उपाध्यक्ष अनुज गुप्ता यांनी सांगितले की, सोन्याच्या भावात आणखी घसरण दिसून येईल.

गुडरिटर्न्सच्या साइटनुसार देशांतर्गत सराफा बाजारात प्रति ग्रॅम सोन्याचा भाव 120 रुपयांनी घसरला आहे. 22 कॅरेट 10 ग्रॅम सोने 54,050 तर 24 कॅरेट 10 ग्रॅम सोन्यासाठी आज 58,960 रुपये खर्च करावे लागतील याशिवाय 1 किलो चांदीची किंमत 71,900 रुपये आहे.

सोन्याची शुद्धता कशी जाणून घ्यावी :

सोन्याची शुद्धता ओळखण्यासाठी आयएसओ (इंडियन स्टँडर्ड ऑर्गनायझेशन) द्वारे हॉल मार्क दिले जातात. 24 कॅरेटवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहीलेलं असतं.

बहुतेक सोने 22 कॅरेटमध्ये विकले जाते, तर काही लोक 18 कॅरेट देखील वापरतात. सोने 24 कॅरेट पेक्षा जास्त विकलं जातं. कॅरेट जितके जास्त असेल तितके अधिक शुद्ध सोने म्हटले जाते.

22 आणि 24 कॅरेटमध्ये काय फरक आहे?

24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी, जस्त यांसारख्या 9% इतर धातूंचे मिश्रण करून दागिने तयार केले जातात.

24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात.

हॉलमार्क (Hallmark):

सोने खरेदी करताना लोकांनी त्याची गुणवत्ता लक्षात घेतली पाहिजे. हॉलमार्क चिन्ह पाहिल्यानंतरच खरेदी करावी.

सोन्याची सरकारी हमी असते, ब्युरो ऑफ इंडियन स्टँडर्ड्स (BIS) हॉलमार्क ठरवते. हॉलमार्किंग योजना ब्यूरो ऑफ इंडियन स्टँडर्ड्स अॅक्ट, नियम आणि नियमन अंतर्गत कार्य करते.