Dividend Stock: एफएमसीजी सेक्टरमधील दिग्गज हिंदुस्तान युनिलिव्हर (HUL) ही सर्वात मोठी डिव्हिडेंड देणाऱ्या कंपन्यांपैकी एक आहे. कंपनी पुन्हा एकदा आपल्या शेअरधारकांना 1800 टक्के अंतरिम डिव्हिडेंड देणार आहे.

यासाठी कंपनीचे शेअर्स या आठवड्यात एक्स-डिव्हिडंडचे व्यवहार करतील. डिव्हिडेंडच्या बाबतीत हिंदुस्तान युनिलिव्हरचा ट्रॅक रेकॉर्ड मजबूत आहे. ब्रोकरेजही या शेअरबाबत सकारात्मक आहे.

हिंदुस्तान युनिलिव्हरने अलीकडेच आर्थिक वर्ष 2024 साठी दुसऱ्या तिमाहीचे निकाल जाहीर केले. यासह, कंपनीने 31 मार्च 2024 रोजी संपणाऱ्या आर्थिक वर्षासाठी 1 रुपये फेस व्हॅल्यूसह 18 रुपये डिव्हिडेंड देण्याची शिफारस केली आहे.

कंपनीने भागधारकांची पात्रता निश्चित करण्यासाठी 2 नोव्हेंबर 2023 ही रेकॉर्ड डेट निश्चित केली आहे. 16 नोव्हेंबर 2023 रोजी किंवा नंतर भागधारकांना डिव्हिडेंड दिला जाईल.

आर्थिक वर्ष 2024 साठी दुसऱ्या तिमाहीत (Q2FY24) कंपनीने 2,717 कोटी रुपयांचा निव्वळ नफा कमावला, जो वार्षिक 4 टक्क्यांनी वाढला, तर विक्री 15,027 कोटी झाली.

एबिटदा वार्षिक 9% वाढून 3,694 कोटीवर पोहोचला, तर एबिटदा मार्जिन आर्थिक वर्ष 2024 साठी दुसऱ्या तिमाहीत (Q2FY24) मध्ये 130 बेस पॉईंट्सने वाढून 24.6% झाला आहे जो आर्थिक वर्ष 2023 च्या दुसऱ्या तिमाहीत (Q2FY23) 23.3% होता.

हिंदुस्तान युनिलिव्हरचे शेअर्स सध्याच्या किंमतीपेक्षा किमान 23.5 टक्क्यांनी वाढण्याची अपेक्षा आहे. 25 ऑक्टोबरला हा शेअर 0.074% च्या घसरणीसह 2484.60 रुपयांवर बंद झाला. रेलिगेअरला पुढील वाटचालीत शेअर 3068 रुपयांपर्यंत वाढण्याची आशा वाटत आहे.

नोंद: क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.