इन्कम टॅक्स डिपार्टमेंट लवकरच ज्यांनी इनकम टॅक्स रिटर्न भरला नाही अशा लोकांना नोटीस पाठवू शकते. बिझनेस टुडेने दिलेल्या रिपोर्टनुसार, इकोनॉमिक टाइम्सच्या रिपोर्टमध्ये सांगण्यात आले आहे की ज्यांच्या इन्कममधून टिडीएस कापला गेला, मात्र तुम्ही आयटीआर भरला नसेल तर नोटीस पाठवली जाऊ शकते.

सेंट्रल डायरेक्ट टॅक्स बोर्ड (CBDT)चे चेअरमन नितीन गुप्ता यांनी सांगितले की, ज्यांच्याबद्दल ठोस माहिती आहे अशाच करदात्यांना नोटीस पाठवल्या जातील. त्यांनी सांगितल की, आयकर विभागाचे लक्ष रिफंडसाठीचा वेळ कमी करणे तसेच रिटर्न अपडेट करणे किंवा मोठे टॅक्ससंबंधी वाद सोडवणे यावर असेल. सोबतच आयकर विभागाकडून करदात्यांना दिल्या जाणाऱ्या सुविधांमध्ये सुधारणा करण्यावर देखील भर दिला जाईल.

CBDTचे चेअरमन म्हणाले की CBDTने म्हैसूरमध्ये एक डिमांड मॅनेजमेंट सेंटर स्थापन केले आहे, जे एक कोटी रुपयांहून अधिकच्या टॅक्स संबंधी वादांवर लक्ष केंद्रीत करत आहे. त्यांनी सांगितलं की टॅक्सपेअर्स त्यांच्या माध्यमातून या टॅक्ससंबंधी प्रश्न सोडवण्यासाठी सीए आणि अधिकाऱ्यांशी संपर्क करु शकता.