नवी दिल्ली/बंगळूर : केंद्रीय अर्थमंत्री निर्मला सीतारामन आणि इतर नेत्यांविरुद्ध आता रद्द झालेल्या निवडणूक रोख्यांद्वारे पैसे गोळा केल्याप्रकरणी चौकशीला उच्च न्यायालयाने सोमवारी स्थगिती दिली.
‘एफआयआर’मध्ये त्यांच्या नावावर प्रश्नचिन्ह उपस्थित करणारे भाजपचे नेते नलिनकुमार कटील यांनी दाखल केलेल्या याचिकेवर न्यायाधीश एम. नागप्रसन्ना यांच्या अध्यक्षतेखालील खंडपीठाने सुनावणी केली.
या वेळी अंतरिम आदेश जारी करून या प्रकरणाची पुढील सुनावणी २२ ऑक्टोबरला ठेवली आहे. निवडणूक रोख्यांच्या अनियमिततेशी संबंधित तक्रारीनंतर विशेष न्यायालयाच्या निर्देशानुसार सीतारामन आणि इतरांविरुद्ध शनिवारी गुन्हा दाखल केला.
सीतारामन, ईडी अधिकारी आणि राज्य तसेच राष्ट्रीय स्तरावरील भाजप कार्यकर्त्यांविरुद्ध कर्नाटकमध्ये एफआयआर नोंदविण्यात आला. भाजपचे प्रदेशाध्यक्ष बी. वाय. विजयेंद्र यांचेही एफआयआरमध्ये नाव आहे. जनाधिकार संघर्ष परिषद (जेएसपी)चे सहसंस्थापक आदर्श आर. अय्यर यांनी गैरव्यवहार झाल्याचा आरोप करीत तक्रार दाखल केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.