Pune News : कोटक महिंद्रा लाइफ इन्शुरन्स कंपनीने दोन पिढ्यांना एकाच योजनेत विमा संरक्षण देण्याचा पर्याय असलेली ‘कोटक जेन टू जेन प्रोटेक्ट’ ही नवी विमा योजना दाखल केली आहे. विमा उद्योगात प्रथमच असा पर्याय उपलब्ध झाला आहे.

या योजनेअंतर्गत पालक (प्राथमिक जीवन विमाधारक) वयाची साठ किंवा पासष्ट वर्षे पूर्ण करतात तेव्हा संपूर्ण जोखीम संरक्षण मुलाला हस्तांतरित करण्याची सुविधा आहे. हे जोखीम कवच मुलाच्या वयाच्या साठव्या वर्षापर्यंत टिकते.

यात सुदृढ आरोग्य राखल्याबद्दल लाभ, अपघाती मृत्यू लाभ, कायमस्वरुपी अपंगत्व आल्यास लाभ तसेच गंभीर आजारात मदत यासारखे पूरक लाभही विमाधारकास मिळतात. महिला विमाधारकांसाठी यात अतिरिक्त पाच टक्क्यांचा मृत्यूलाभही देण्यात आला आहे.

कोटक महिंद्र लाईफ इन्शुरन्स कंपनी लिमिटेडचे एमडी महेश बालसुब्रमणियन म्हणाले, ‘‘कोटक जेन २ जेन प्रोटेक्ट या योजनेतून आमचे ग्राहक त्यांच्या दोन पिढ्यांना एकाच टर्म योजनेतून संरक्षण कवच प्रदान करु शकतात.

यातून भारतीयांच्या कुटुंब, परंपरा आणि वारसा याला दिलेले महत्त्व अधोरेखित होते. ही नाविन्यपूर्ण उत्पादने विम्याचा विस्तार करण्यास मदत करतील आणि २०४७ पर्यंत ''सर्वांसाठी विमा'' या विमा नियामकाच्या उद्दिष्टासाठी महत्त्वपूर्ण योगदान देतील.’’