पुणे - पर्सनल फायनान्स क्षेत्राला वाहिलेल्या ‘सकाळ मनी’ या मासिकाच्या वर्षपूर्तीनिमित्त खास वाचक- गुंतवणूकदारांसाठी रविवारी (ता. ९) नामवंत तज्ज्ञांचे मार्गदर्शनपर व्याख्यान आयोजित करण्यात येत आहे.

शेअर बाजाराची आगामी वाटचाल कशी राहील, कोणत्या क्षेत्रांकडून अपेक्षा ठेवता येतील, अशा विषयावर कोटक महिंद्र ॲसेट मॅनेजमेंट (म्युच्युअल फंड) कंपनीचे व्यवस्थापकीय संचालक (एमडी) नीलेश शहा (मुंबई) विश्लेषण करणार आहेत.

आगामी काळात सोन्याचे भाव कसे राहतील, सध्याच्या पातळीवर सोन्यात गुंतवणूक करावी का, या प्रश्नांवर प्रसिद्ध कमोडिटीतज्ज्ञ आणि पीएनजी अँड सन्सचे मुख्य कार्यकारी अधिकारी (सीईओ) अमित मोडक मार्गदर्शन करणार आहेत.

‘प्रथम येणाऱ्यास प्राधान्य’ तत्त्वावर प्रवेश

• वार व तारीख : रविवार, ता. ९ एप्रिल

• वेळ : सकाळी १० वाजता

• स्थळ : एमईएस बालशिक्षण मंदिराचे सभागृह,

(बँक आॅफ इंडियाशेजारी, मयूर कॉलनी, कोथरूड)