Malabar Gold & Diamonds : जगातील सहाव्या क्रमांकाचा सर्वात मोठा आभूषण विक्रेता समूह असलेल्या ‘मलाबार गोल्ड अँड डायमंड्स’ने कायदेशीर व्यवहार श्रेणीतील देशातील प्रतिष्ठित १३ व्या वार्षिक ‘लीगल एरा भारतीय कायदेसंमत व्यवहार पुरस्कार’ पटकावला आहे.

उत्कृष्टता आणि नैतिक व्यवसाय, याबद्दलची बांधिलकी अधोरेखित करून कंपनीला प्रतिष्ठित ‘कम्प्लायन्स अँड रिस्क मॅनेजमेंट टीम ऑफ द इयर २०२३-२४’ या पुरस्काराने सन्मानित केले आहे. देशातील प्रतिष्ठित उद्योग समूहांशी स्पर्धा करीत मलाबार गोल्ड अँड डायमंड्स या पुरस्काराची मानकरी ठरली आहे.

माजी सरन्यायाधीश दीपक मिश्रा, सर्वोच्च न्यायालयाचे माजी न्यायाधीश न्यायमूर्ती बी. एन. श्रीकृष्ण, न्यायमूर्ती अर्जुन सिक्री आणि न्यायमूर्ती दीपक वर्मा यांसारख्या कायदेशीर दिग्गजांचा समावेश असलेल्या प्रतिष्ठित परीक्षण मंडळाच्या देखरेखीखाली मलाबार गोल्ड आणि डायमंड्सची पुरस्कारासाठी निवड झाली आहे. नवी दिल्लीत हा पुरस्कार प्रदान झाला. मलाबार समूहाचे अध्यक्ष एम. पी. अहमद यांनी ‘मेक इन इंडिया, मार्केट टू द वर्ल्ड’ असे ध्येय्य असल्याचे सांगितले.