दिल्ली : बिगर बँकिंग कंपनी मुथूट फायनान्सने टीआरएच्या ब्रँड ट्रस्ट अहवालानुसार, सलग आठव्या वर्षी देशातील पहिल्या क्रमांकाचा विश्वासार्ह वित्तीय सेवा ब्रँड म्हणून स्थान कायम राखले आहे. मुथूट फायनान्सच्या ग्राहक केंद्रीत आणि सेवा वितरणातील उत्कृष्टतेचे हे प्रतीक आहे. ‘टीआरए’ने देशातील सर्वोत्तम एक हजार विश्वसनीय ब्रँडची यादी जाहीर केली आहे.

गेल्या काही वर्षांत, मुथूट फायनान्सने देशात ६३०० हून अधिक शाखांद्वारे देशभरात आपला व्यवसाय विस्तारला आहे. कंपनी दररोज सरासरी २.५ लाख ग्राहकांना सहजसुलभ सोने तारण कर्ज सेवा देते. स्थापनेपासून, ७२ कोटींहून अधिक ग्राहकांच्या विविध आर्थिक गरजा कंपनीने पूर्ण केल्या आहेत, यात पुन्हा पुन्हा आपल्या आर्थिक गरजांसाठी कंपनीकडे येणाऱ्या ग्राहकांचाही समावेश आहे.

कंपनीचे संयुक्त व्यवस्थापकीय संचालक अलेक्झांडर जॉर्ज मुथूट म्हणाले, ‘‘देशातील पहिल्या क्रमांकाचा विश्वासार्ह वित्तीय सेवा ब्रँड म्हणून २०१६ पासून सलग आठ वर्षे मिळालेले स्थान हे कंपनीवरील ग्राहकांच्या अतूट विश्वासाचे प्रतीक आहे. मुथूट फायनान्सची नैतिकता, विश्वासार्हता, सचोटी ही मूलभूत तत्त्वे आहेत. लाखो भारतीयांसाठी आर्थिक समावेशन सुविधा देण्याच्या आमच्या प्रवासात आम्ही त्यांचे पालन करण्यास वचनबद्ध आहोत.’’