अर्थमंत्री निर्मला सीतारामन (Finance Minister Nirmala Sitharaman) सकाळी 11 वाजता संसदेत 2024-2025 या आर्थिक वर्षाचा केंद्रीय अर्थसंकल्प सादर करतील. केंद्रीय अर्थमंत्री निर्मला सीतारमन या मोदी सरकारच्या तिसऱ्या कार्यकाळातील पहिला अर्थसंकल्प सादर करणार आहेत. दरम्यान त्यांच्या साडीची चर्चा रंगली आहे. दरवर्षी अर्थसंकल्प सादर करताना विशेष साडी परिधान करता. यंदा त्यांनी क्रिम कलरची साडी परिधान केली आहे. (Nirmala Sitharaman Budget 2024 look )

अर्थसंकल्पापूर्वीच अर्थमंत्री निर्मला सीतारामन यांचा लुक समोर आला आहे. सातव्या अर्थसंकल्पासाठी अर्थमंत्र्यांनी पांढरी आणि गुलाबी रंगाची साडी नेसली आहे. दरवर्षी प्रमाणेच त्यांनी 2024 चा अर्थसंकल्प सादर करण्यासाठी खास साडीची निवड केली आहे. गुलाबी आणि पांढऱ्या रंगाचे कॉंम्बिनेशन सुरेख आणि सोज्वळ मानले जाते.

तर मागील वर्षी अंतरिम बजेटसाठी निळ्या हातमागाची साडी नेसली होती. निळा रंग शांतता आणि शक्तीचे प्रतीक आहे.

यंदाच्या अर्थसंकल्पात मिळालेल्या माहितीनुसार यावेळी अर्थसंकल्पात कृषी, उद्योग, शिक्षण, आरोग्य या क्षेत्रांच्या विकासासाठी भरीव तरतूद केली जाणार आहे. तरुण आणि महिलांच्या उत्थानासाठीही सरकार वेगवेगळ्या योजनांची घोषणा करू शकते. याचाच एक भाग म्हणून निर्मला सीतारामन लाडकी बहीण योजनेबाबत महत्त्वाची घोषणा करण्याची शक्यतादेखील व्यक्त करण्यात येत आहे.