मुंबई - भारतीय रिझर्व्ह बँकेने ३० सप्टेंबर रात्री १२ वाजता नंतर दोन हजार च्या नोटा चलनातून बंद करण्याचा निर्णय घेतला आहे. तशी अधिसूचना जारी केली असल्याने एसटी महामंडळाने त्यांच्या महसुलातील रोख रकमेत दोन हजाराच्या नोटा असल्यास वेळेत बँकेत भरण्याच्या सूचना दिल्या आहे.

महामंडळाकडे जमा होणाऱ्या दोन हजाराच्या चलनी नोटा चलनातून बंद होणार आहे. त्यामुळे प्रत्येक विभागामध्ये जमा झालेल्या रोख रकमेत दोन हजाराच्या नोटा तर नाही ना याची माहिती घेण्यात यावी. अशा रकमेचा तातडीने बँकेत भरण्यात यावे.

जेणे करून ३० सप्टेंबर नंतर अशा नोटांचा प्रश्न निर्माण होवू शकतो. त्यामुळे बुधवार दिनांक २८ सप्टेंबर रोजीच्या मध्यरात्री पर्यंतच दोन हजाराच्या नोटा स्विकारल्या जाव्यात. तर २८ सप्टेंबर रोजी पर्यंत संकलन झालेल्या नोटा लगेच दुस-या दिवशी २९ सप्टेंबर पर्यंत त्या आगारातील संबंधित बँक खात्यात जमा करण्यात याव्यात.

२८ सप्टेंबरच्या मध्यरात्री नंतर कोणत्याही परिस्थितीत दोन हजार च्या नोटा स्विकारल्या जाणार नाही याची नोंद घेण्यात यावी. याकरीता सर्व विभाग नियंत्रक यांनी अधिनस्थ आगार पातळीवर सुचना देऊन त्याची अंमलबजावणी काटेकोरपणे करुन घ्यावी.

शिवाय २८ सप्टेंबर च्या मध्यरात्री नंतर दोन हजारच्या नोटा स्विकारल्यास व त्यांचा बँक भरणा करणे राहिल्यास त्याची सर्वस्वी जबाबदारी सबंधित विभागाची राहील असा इशारा एसटी महामंडळाचे उपाध्यक्ष व व्यवस्थापकीय यांनी दिला आहे.