देशातील सर्वात मोठी सरकारी बँक भारतीय स्टेट बँक (एसबीआय) ने ग्राहकांना मोठा धक्का दिला आहे. एसबीआयने आपल्या वेगवेगळ्या कालावधींच्या मार्जिनल कॉस्ट ऑफ लेंडिंग रेट्स म्हणजेच एमसीएलआरमध्ये 10 बेसिक पॉइंट्सची वाढ करण्याची घोषणा केली आहे. नवे दर आज म्हणजेच 15 ऑगस्ट पासून लागू होतील. एसबीआयकडून एमसीएलआरमध्ये वाढ करण्याचा हा सलग तिसरा महिना आहे.

नवे दर काय?

तीन वर्षांच्या काळावधीसाठी एसबीआयने नवीन एमसीएलआर आथा 9 टक्क्यांहून वाढून 9.10 टक्के करण्यात आली आहे. तर ओव्हरनाइट एमसीएलआर 8.10 टक्क्यांहून वाढून 8.20 टक्के झाला आहे.

• ओव्हरनाइट: 8.10% वरून 8.20% पर्यंत वाढ

• एक महिना: 8.35% वरून 8.45% पर्यंत वाढले

• तीन महिने: 8.40% वरून 8.50% पर्यंत वाढले

• सहा महिने: 8.75% वरून 8.85% पर्यंत वाढले

• एक वर्ष: 8.85% वरून 8.95% पर्यंत वाढले

• दोन वर्षे: 8.95% वरून 9.05% पर्यंत वाढले

• तीन वर्षे: 9.00% वरून 9.10% पर्यंत वाढले

सलग तिसऱ्या महिन्यात झाली वाढ

पीएसयू बँकेने जून २०२४ पासून थोड्यात काळात एमसीएलआर हा 30 बेसिस पॉइंट्स (bps) पर्यंत वाढवले आहेतत. MCLR हा किमान व्याजदर असतो ज्याच्या खाली बँक कर्ज देऊ शकत नाही. यासाठी काही अपवाद असतात ज्यामध्ये भारतीय रिझर्व्ह बँकेने (RBI) परवानगी दिलेली अशते. MCLR दर वाढल्याने गृहकर्ज, कार लोन, शैक्षणिक कर्ज यांसारखी कर्जे ग्राहकांसाठी महाग होतील. मागील बेस रेट सिस्टमच्या जागी कर्ज देण्याच्या दरांसाठी बेंचमार्क म्हणून एप्रिल 2016 मध्ये एमलीएवआरची आरबीआयने सुरूवात केली होती.