मुंबई : आशियातील सर्वात जुने शेअर बाजार असलेले बाँबे स्टॉक एक्सचेंज पुढील वर्षी १५० वे वर्ष पूर्ण करीत असून आज बीएसई चा १४९ वा स्थापना दिवस साजरा करण्यात आला. या प्रसंगी बीएसई ने आपल्या नवीन लोगोचे अनावरण केले.

नवीन लोगो विश्वास आणि जबाबदारीवर भर देण्याबरोबरच समृद्धी, चैतन्य, प्रगती आणि नवीन सुरुवात दर्शवते, असेही सांगण्यात आले. बीएसई चे अध्यक्ष एस. एस. मुंद्रा यांच्या हस्ते हे अनावरण झाले. हा टप्पा गाठण्यात मोलाची भूमिका बजावणारे संस्थापक तसेच आजी-माजी अधिकारी आदींचा मुंद्रा यांनी गौरव केला.

यावेळी बीएसईचे एमडी आणि सीईओ सुंदररामन रामामूर्ती यांनी भारतीय भांडवली बाजार सक्षम करण्यात बीएसई ने बजावलेल्या भूमिकेची माहिती दिली. राममूर्ती यांनी नवीन लोगोचा अर्थही उलगडून सांगितला. गुंतवणुकदारांमध्ये जागरुकता वाढविण्यासाठी बीएसई ने काढलेल्या चार लघुपटांचे प्रकाशनही यावेळी करण्यात आले.