Sukanya Samriddhi Yojana : मुलाचा जन्म होताच पालकांना त्यांच्या भविष्याची काळजी वाटू लागते. त्यात जर तुम्ही मुलीचे पालक असाल तर तिच्या शिक्षणापासून लग्नापर्यंतची चिंता वाढते. अशात सुकन्या समृद्धी योजना (Sukanya Samriddhi Yojana-SSY) मुलींचे भविष्य सुधारण्याच्या उद्देशाने तयार करण्यात आली आहे. त्याबद्दल अधिक जाणून घेऊयात.

या योजनेत तुम्ही वार्षिक 250 रुपये ते 1.5 लाख जमा करू शकता. जर तुमच्या मुलीचे वय 10 वर्षांपेक्षा कमी असेल तर तुम्ही तुमच्या मुलीच्या नावावर सुकन्या खाते उघडू शकता. जितक्या लवकर तुम्ही यामध्ये गुंतवणूक कराल तितक्या लवकर तुम्ही तुमच्या मुलीसाठी मोठा फंड तयार करू शकता.

सुकन्या समृद्धी योजनेत 15 वर्षांसाठी गुंतवणूक करावी लागते आणि ती 21 वर्षात मॅच्युअर होते. जर तुम्ही तुमच्या मुलीचा जन्म होताच तिच्या नावावर हे खाते उघडले तर वयाच्या 21 व्या वर्षी तुम्ही तिच्यासाठी 70 लाखांचा मोठा फंड तयार करु शकता.

सुकन्या समृद्धी खात्यात दरवर्षी मुलीच्या नावावर 1.5 लाख जमा केले तर तुम्हाला दरमहा 12,500 रुपये गुंतवणुक करावे लागतील. 15 वर्षात एकूण 22 लाख 50 हजारांची गुंतवणूक कराल. सध्या या योजनेवर 8.2 टक्के व्याज आहे.

21 वर्षांच्या मॅच्युरिटी वेळी एकूण 46 लाख 77 हजार 578 रुपये व्याज म्हणून मिळतील. अशा परिस्थितीत, मॅच्युरिटीवर मुलीला एकूण 22,50,000 रुपये 46,77,578 = रुपये 69,27,578 (सुमारे 70 लाख रुपये) मिळतील.

सुकन्या समृद्धी योजनेत 2024 मध्ये गुंतवणूक करण्यास सुरुवात केली तर ही योजना 2045 मध्ये मॅच्युअर होईल, म्हणजेच तुम्हाला या योजनेचे संपूर्ण पैसे 2045 पर्यंत मिळतील. सुकन्या समृद्धी योजनेचा एक मोठा फायदा म्हणजे गुंतवणूकदार आयकर कायदा,

1961 च्या कलम 80C अंतर्गत कर वाचवू शकतात. सुकन्या समृद्धी योजनेचे खाते कोणत्याही पोस्ट ऑफिस किंवा अधिकृत बँकेत उघडता येते.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते.

त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.