125 Crore Prize Money Distribution: भारतीय क्रिकेट संघाने टी-20 विश्वचषक 2024 चे विजेतेपद पटकावले तेव्हा जगातील सर्वात श्रीमंत क्रिकेट बोर्ड BCCIने रोहित शर्माच्या नेतृत्वाखालील T20 विश्वचषक विजेत्या संघासाठी 125 कोटी रुपयांची बक्षीस रक्कम जाहीर केली. BCCI सचिव जय शाह यांनी त्यांच्या X हँडलवर घोषणा केली.
ही बक्षीस रक्कम संपूर्ण संघाला देण्यात आली असून त्यात संघातील खेळाडू, क्रीडा कर्मचारी आणि राखीव खेळाडूंचाही समावेश आहे. 125 कोटी रुपयांची बक्षीस रक्कम भारतीय खेळाडूंमध्ये कशी वाटली जाईल आणि त्यातील किती रक्कम कर म्हणून कापली जाईल. ते जाणून घेऊया.
बीसीसीआयशिवाय आयसीसीनेही भारतीय संघाला सुमारे 20 कोटी रुपयांची बक्षीस रक्कम दिली आहे. खेळाडूंना दोन प्रकारे पगार दिला जातो. खेळाडूंना त्यांच्या फीसह व्यावसायिक फी म्हणून पैसे दिल्यास, त्या रकमेवर 0 टक्के टीडीएस कापला जाईल. तर कलम 194 जेबी अंतर्गत या रकमेवर टीडीएस कापला जाईल. मग हा पैसा खेळाडूंच्या उत्पन्नात परावर्तित होईल आणि आयटीआरमध्ये आयकर स्लॅबनुसार कर आकारला जाईल.
दुसरीकडे, ही रक्कम खेळाडूंना बक्षीस म्हणून दिली, तर त्यानुसार कर आकारला जाईल. बक्षिसाच्या रकमेवर 3 टक्के टीडीएस आधीच कापला जाईल. मग या परिस्थितीत, रकमेवर 30 टक्क्यांपर्यंत कर कापून उर्वरित रक्कम खेळाडूंना दिली जाईल.
मीडिया रिपोर्ट्नुसार, 125 कोटी रुपयांची बक्षीस रक्कम संघातील 15 सदस्य, 4 राखीव खेळाडू आणि संघाच्या सपोर्ट स्टाफमधील सुमारे 15 सदस्यांमध्ये विभागली जाईल. यामध्ये संघातील प्रमुख 15 खेळाडूंना प्रत्येकी 5 कोटी रुपये दिले जाऊ शकतात. याशिवाय सपोर्ट स्टाफ आणि उर्वरित चार राखीव खेळाडूंना प्रत्येकी एक कोटी रुपये दिले जाऊ शकतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.