Tata Group: टाटा समूहाची कंपनी टाटा कॉफी लिमिटेड (TCL) च्या विलीनीकरणाच्या प्रस्तावाला मंजुरी देण्यात आली आहे. कंपनीने सांगितले की, नॅशनल कंपनी लॉ ट्रिब्युनल (NCLT) च्या कोलकाता खंडपीठाने टाटा कंझ्युमर प्रॉडक्ट्स आणि TCPL ब्रेवरीज आणि फूड यांच्या विलीनीकरणाला मंजुरी दिली आहे.

टीसीएलने शेअर बाजाराला सांगितले की कोलकाता खंडपीठाने 10 नोव्हेंबर 2023 रोजी विलीनीकरण योजनेला मंजुरी देणारा आदेश पारित केला. कंपनीच्या म्हणण्यानुसार त्यांना 1 डिसेंबर 2023 रोजी ऑर्डरची प्रत मिळाली.

टाटा कॉफी सध्या खाद्य आणि पेय पोर्टफोलिओसह जगभरात ग्राहक उत्पादनांच्या व्यवसायात गुंतलेली आहे. TCL आणि त्याच्या सहाय्यक कंपन्या मोठ्या प्रमाणात इन्स्टंट कॉफी, ब्रँडेड कॉफी व्यवसायात काम करतात.

दरम्यान, टाटा कॉफीला व्हिएतनाममधील तिच्या पूर्ण मालकीच्या उपकंपनीची क्षमता वाढवण्यासाठी संचालक मंडळाची मंजुरी मिळाली आहे. यासाठी 450 कोटी रुपयांची गुंतवणूक करण्यात येणार आहे.

संचालक मंडळाने व्हिएतनाममध्ये अतिरिक्त 5,500 टन 'फ्रीझ-ड्राय कॉफी' सुविधा स्थापन करण्यास मान्यता दिली आहे. टाटा कॉफीच्या व्हिएतनाम कंपनीची सध्याची क्षमता सुमारे 5,000 टन आहे. एकूण क्षमतेपैकी 96 टक्के क्षमतेचा वापर सुरू आहे.

टाटा कॉफीचे शेअर शेवटच्या ट्रेडिंग दिवशी ते 279.75 वर बंद झाले. एका दिवसाच्या आधीच्या तुलनेत स्टॉकमध्ये 0.68% वाढ नोंदवली गेली. व्यवहारादरम्यान शेअरची किंमत 283 रुपयांपर्यंत पोहोचली. 52 आठवड्यांतील ही शेअरची सर्वोच्च पातळी होती. कंपनीचे मार्केट कॅप 5,224.90 कोटी रुपये आहे.

नोंद: क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.