Union Budget 2024 Nirmala Sitharaman announcements on road development: पंतप्रधान मोदी तिसऱ्यांदा सत्तेत आल्यानंतर पहिल्यांदाच पूर्ण अर्थसंकल्प आज सादर करण्यात आला. केंद्रीय अर्थमंत्री निर्मता सितारमण यांनी सातव्यांदा अर्थसंकल्प सादर केला आहे. त्या अर्थसंकल्पात काय घोषणा करतील याकडे संपूर्ण देशाचे लक्ष लागले होते. रस्ते वाहतूक मंत्रीपद महाराष्ट्राच्या नितीन गडकरी यांच्याकडे आहे. त्यामुळे त्यांच्या मंत्रालयाला काय मिळते याकडे लक्ष लागून होतं.

रस्ते कनेक्टिव्हिटिचे आम्ही समर्थन करतो. या अनुषंगाने पाटना ते पुर्णिया एक्स्प्रेस-वे, बोधगया-राजगीर-वैशाली-दरबंगा एक्स्प्रेस-वे, बक्सर-बागलपूर एक्स्पेस-वे बांधले जाणार आहेत. अतिरिक्त दोन लेन पूल बक्सर येथे गंगा नदीवर बनवला जाणार आहे. यासाठी २६ हजार कोटी रुपयांचा खर्च केला जाणार आहे, असं निर्मता सीतारमण यांनी सांगितलं.

पायाभूत सुविधासाठी ११ लाख कोटींचा निधी गेला आहे. देशातील २५ हजार गावे पक्क्या रस्त्याने जोडली जाणार आहेत. अर्थमंत्री निर्मता सीतारमण यांनी दिलेल्या माहितीनुसार, देशभरात २६ हजार कोटींचे नवे रस्ते बांधले जाणार आहेत. आंध्र प्रदेशला पायाभूत सुविधांसाठी १५ हजार कोटी तर बिहारच्या पायभूत सुविधांसाठी २६ हजार कोटींची तरतूद केली गेली आहे. पायाभूत सुविधांच्या विकासावर मोदी सरकारचा भर असेल. पायाभूत सुविधांच्या विकासासाठी तब्बत ११ लाख कोटी रुपये देणार. जीडीपीच्या ३.४ टक्के पायाभूत सुविधांसाठी वापरला जाईल.