Kotak Mahindra Bank New CEO: उदय कोटक यांनी सप्टेंबरमध्ये कोटक महिंद्रा बँकेच्या व्यवस्थापकीय संचालक आणि सीईओ पदाचा राजीनामा दिल्यानंतर बँकेचे पुढील एमडी आणि सीईओ कोण असेल याविषयी चर्चा चालू होती. मात्र, आता याचा खुलासा झाला आहे.
कोटक महिंद्रा बँकेने माहिती दिली की भारतीय रिझर्व्ह बँकेने कोटक महिंद्रा बँकेचे व्यवस्थापकीय संचालक (MD) आणि मुख्य कार्यकारी अधिकारी (CEO) म्हणून अशोक वासवानी यांच्या नियुक्तीला मान्यता दिली आहे.
उदय कोटक यांनी 21 वर्षांनंतर आपल्या पदाचा राजीनामा दिल्यानंतर अशोक वासवानी यांची नवीन एमडी आणि सीईओ म्हणून नियुक्ती करण्यात आली आहे.
कोण आहेत अशोक वासवानी?
अशोक वासवानी हे गेल्या साडेतीन दशकांपासून करिअर बँकर म्हणून कार्यरत आहेत. वासवानी सुरुवातीला सिटीग्रुपमध्ये होते आणि त्यांनी मोठ्या प्रमाणावर जागतिक व्यवसाय उभारले आणि वाढवले. सिटीग्रुपसोबत काम करताना, ते सिटीग्रुप एशिया पॅसिफिकचे सीईओ आणि सिटीग्रुप ग्लोबल ऑपरेटिंग आणि मॅनेजमेंट कमिटीचे सदस्यही राहिले आहेत.
पूर्वी, वासवानी हे लंडनमधील बार्कलेज बँकेचे मुख्य कार्यकारी अधिकारी होते. सध्या, वासवानी यूएस-इस्त्रायली एआय फिनटेक कंपनी पगाया टेक्नॉलॉजीज लिमिटेडचे अध्यक्ष आहेत. ते लंडन स्टॉक एक्सचेंज ग्रुप आणि यूकेच्या एसपी जैन इन्स्टिट्यूट ऑफ ग्लोबल मॅनेजमेंटचे बोर्ड सदस्य देखील आहेत.
अशोक वासवानी यांनी सिडनहॅम कॉलेज ऑफ कॉमर्स अँड इकॉनॉमिक्स मधून कॉमर्स, इकॉनॉमिक्स आणि अकाउंटन्सीमध्ये बॅचलर डिग्री घेतली आहे. स्टॅनफोर्ड युनिव्हर्सिटीच्या ग्रॅज्युएट स्कूल ऑफ बिझनेसच्या कार्यकारी मंडळाचे सभासद आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.