शिल्पा गुजर

शेअर बाजारात अनेक जण आयपीओवर लक्ष ठेऊन असतात. कारण शेअर मार्केटपेक्षा आयपीओतून अगदी कमी वेळेत पैसे कमावता येऊ शकतात. अशात सेबीने आणखी एका कंपनीला आयपीओसाठी मंजुरी दिली आहे. लवकरच इंडिया फर्स्ट लाइफ इंश्युरन्सचा आयपीओ येणार आहे. कंपनीला मंगळवारी ऑब्झर्वेशन फॉर्म मिळाला आहे.

आयपीओअंतर्गत 500 कोटी रुपयांपर्यंतचे फ्रेश शेअर्स जारी केले जातील असे डीआरएचपीने सांगितले. यासह कंपनीचे प्रमोटर आणि विद्यमान गुंतवणूकदार ऑफर फॉर सेलमध्ये (OFS) त्यांचे शेअर्स विकतील. यामध्ये बँक ऑफ बडोदाच्या सुमारे 8 कोटी युनियन बँकेच्या 1 कोटी इक्विटी शेअर्सचा समावेश आहे. याशिवाय, कार्मेल पॉइंट इन्व्हेस्टमेंट (Carmel Point Investments) त्याचे 3 कोटी इक्विटी शेअर्स जारी करेल.

हेही वाचाः जीएसटीसाठी नोंदणी केलीच नाही तर??

इंडियाफर्स्ट लाइफने 21 ऑक्टोबर 2022 रोजी आयपीओसाठी अर्ज केला होता. डीआरएचपीनुसार फ्रेश शेअर्स जारी करून उभारलेले 500 कोटी रुपये कंपनीच्या सॉल्व्हेंसी लेव्हलला सपोर्ट देऊन कॅपिटल बेस वाढवण्यासाठी केला जाईल. आयसीआयसीआय सिक्युरिटीज, ऍम्बिट प्रायव्हेट लिमिटेड, बीएनपी पारिबास, बीओबी कॅपिटल मार्केट्स लिमिटेड, एचएसबीसी सिक्युरिटीज अँड कॅपिटल मार्केट्स, जेफरीज इंडिया प्रायव्हेट लिमिटेड आणि जेएम फायनांशियल बूक रनिंग लीड मॅनेजर आहेत. तर केफिन टेक्नोलॉजीज आयपीओसाठी रजिस्ट्रार असतील.

आर्थिक वर्ष 2022 मध्ये रिटायरमेंट प्लान बाबतीत, ही मुंबईस्थित कंपनी प्रायव्हेट लाइफ इंश्युरन्स सेक्टरमधील सर्वात वेगाने वाढणारी कंपनी आहे. 30 जून 2022 पर्यंत, कंपनी 29 रिटेल प्रोडक्ट्स ऑफर करत आहे. यात 16 नॉन-पार्टिसिपेंट प्रॉडक्ट्स, 9 पार्टिसिपेंट्स प्रॉडक्ट्स, 4 ULIPs सह 13 ग्रूप प्रॉडक्ट्सचा समावेश आहे.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.