Multibagger Stock: रेल्वे स्टॉक्समध्ये जबरदस्त अॅक्शन पाहायला मिळत आहे. नुकतीच ज्युपिटर वॅगनला (Jupiter Wago) 1617 कोटीची तगडी ऑर्डर मिळाली आहे. गुरुवारी शेअर बाजाराला ही बातमी दिल्यानंतर त्यात 5 टक्के अप्पर सर्किट लागले आणि शेअर 330.6 रुपयांवर पोहोचला.

शेवटी तो 4.33 टक्क्यांच्या वाढीसह 328.5 रुपयांवर बंद झाला. ज्युपिटर वॅगन ही इंटिग्रेटेड रेल्वे इंजिनिअरिंग कंपनी आहे, जी प्रामुख्याने मालगाडी वॅगन तयार करते. याशिवाय, कंपनी ब्रेकिंग सिस्टम आणि मरीन कंटेनरमध्येही काम करते. ही कंपनी 2006 मध्ये स्थापन झाली. त्याची वार्षिक क्षमता 8000 वॅगन तयार करण्याची आहे.

ज्युपिटर वॅगनला 4000 BOXNS वॅगन तयार करण्यासाठी 1617 कोटीची ऑर्डर मिळाली आहे. रेल्वे मंत्रालयाकडून हा आदेश प्राप्त झाला आहे. कंपनीला ही ऑर्डर किती कालावधीत पूर्ण करायची आहे, याची अधिकृत माहिती मिळालेली नाही.

30 सप्टेंबर 2023 पर्यंत कंपनीची ऑर्डर बुक 5952.65 कोटी आहे. आर्थिक वर्ष 2023 मध्ये कंपनीचा एकूण महसूल 2068 कोटी होता. त्याआधारे हे ऑर्डर बुक हेल्दी आहे. दुसऱ्या तिमाहीत कंपनीने महसुलात 111% वार्षिक वाढ आणि नफ्यात 229% वाढ नोंदवली.

गुरुवारी हा शेअर 328 रुपयांवर बंद झाला. त्यांचा 52 आठवड्यांचा उच्चांक 411 रुपये आहे जो आतापर्यंतचा उच्चांक आहे. 6 सप्टेंबरला या रेल्वे स्टॉकने विक्रमी उच्चांक गाठला होता. मल्टीबॅगर शेअरने या वर्षी आतापर्यंत सुमारे 260 टक्के आणि एका वर्षात सुमारे 270 टक्के परतावा दिला आहे.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.