Birlasoft Share Price: सीके बिर्ला ग्रुपच्या बिर्लासॉफ्टने (BirlaSoft) गुंतवणूकदारांना मोठा नफा मिळवून दिला आहे. अवघ्या 15 वर्षांत 1 लाखाच्या गुंतवणुकीवर त्यांनी आपल्या गुंतवणूकदारांना कोट्यधीश बनवले आहे. याशिवाय केवळ 10 महिन्यांत सुमारे 192 टक्के परतावा दिला आहे.

तज्ज्ञांच्या मते यात बंपर कमाईची संधी अजूनही आहे. देशांतर्गत ब्रोकरेज एचडीएफसी सिक्युरिटीजने यावर खरेदीचे रेटिंग कायम ठेवले आहे. सध्या बीएसईवर कंपनीचे शेअर्स 2.66 टक्क्यांच्या वाढीसह 719.10 रुपयांवर ट्रेड करत आहेत.

26 डिसेंबर 2008 रोजी बिर्लासॉफ्टचे शेअर्स अवघ्या 7.04 रुपयांवर होते. आता ते 719.10 रुपयांवर आहे, म्हणजे अवघ्या 15 वर्षांत 1 लाखाचे 1 कोटी बनवले. 3 फेब्रुवारी 2023 रोजी तो 250.35 रुपयांच्या एका वर्षाच्या नीचांकी पातळीवर होता.

यानंतर, 10 महिन्यांत 192 टक्क्यांनी झेप घेतली आणि 15 डिसेंबर 2023 रोजी 730.90 रुपयांचा विक्रमी उच्चांक गाठला. प्रॉफिट बुकींगमुळे सध्या या उच्चांकावरून तो दीड टक्क्यांहून अधिक घसरणीवर आहे.

ब्रोकरेज एचडीएफसी सिक्युरिटीजने बिर्लासॉफ्टवर आपले खरेदी रेटिंग कायम ठेवले आहे. पण टारगेट प्राइस 800 रुपये केली आहे, जी आर्थिक वर्ष 2026 च्या अंदाजे इपीएसच्या 26 पट आहे. अलीकडे, कंपनीने टायर-1 कंपन्यांकडून सीनियर लेव्हलवर नियुक्ती केली आहे, जी कंपनीच्या वाढीसाठी जोर लावू शकते.

नोंद: क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.