Multibagger Stock: शेअर बाजारात गुंतवणूक करुन दमदार नफा कमवायचा असेल तर तुम्हाला चांगल्या शेअर्समध्ये गुंतवणूक करणे गरजेचे आहे. अशात तुम्ही सुब्रोस लिमिटेडच्या (Subros Ltd) शेअर्सवर लक्ष ठेवू शकता.

या शेअरने आपल्या गुंतवणूकदारांना कमी काळात बंपर परतावा दिला आहे. ऑटोमोटिव्ह एअर कंडिशनिंग सोल्यूशन्स सेवा देणार्‍या सुब्रोसच्या शेअर्समध्ये नुकतीच 7.74 टक्क्यांची वाढ दिसून आली.

हा शेअर 676.35 रुपयांवर बंद झाला. यासह कंपनीचे मार्केट कॅप 4412.22 कोटी झाले. त्याचा 52 आठवड्यांचा उच्चांक 697.50 रुपये आणि 52 आठवड्यांचा नीचांक 272 रुपये आहे.

सुब्रोस लिमिटेड कंपनीला नुकतीच 25 कोटीची नवीन ऑर्डर मिळाली आहे. 9 डिसेंबर 2023 रोजी, कंपनीला भारतीय रेल्वेकडून डब्यांच्या छतावर बसवलेल्या एअर कंडिशनरचा पुरवठा आणि कमिशनिंगसाठी ही नवीन ऑर्डर मिळाली.

कंपनी आता कोच एअर कंडिशनर्सवर फोकस करत आहे. कंपनी रेल्वे इलेक्ट्रिक मोबिलिटी सेगमेंटमध्ये आपला व्यवसाय वाढवत आहे.

गेल्या एका महिन्यात कंपनीच्या शेअर्समध्ये 55 टक्क्यांची वाढ झाली आहे. गेल्या एका वर्षात गुंतवणूकदारांना 123 टक्के परतावा मिळाला आहे. गेल्या 5 वर्षांत हा शेअर 155 टक्क्यांनी वाढला आहे. इतकेच नाही तर गेल्या 10 वर्षात गुंतवणूकदारांना 2452 टक्के बंपर नफा मिळाला आहे.

जानेवारी 2014 मध्ये कंपनीच्या एका शेअरची किंमत 26.50 रुपये होती, ती आज 676.35 रुपये झाली आहे. याचा अर्थ या काळात गुंतवणूकदारांच्या पैशात 25 पट वाढ झाली आहे. जर तुम्ही 10 वर्षांपूर्वी या स्टॉकमध्ये 1 लाख रुपये गुंतवले असते तर आज तुमची रक्कम 25 लाख झाली असती.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.