Multibagger Stocks: स्ट्रक्चरल स्टील ट्यूब कंपनी एपीएल अपोलो ट्यूब्सच्या (APL Apollo Tubes) शेअर्सने दोन दिवसांपूर्वी विक्रमी उच्चांक गाठला होता. या शेअर्सने केवळ 10 वर्षांत गुंतवणूकदारांना कोट्यधीश बनवले आहे. हा स्टॉक लाँग टर्म तसेच शॉर्ट टर्मसाठीही गुंतवणुकदारांच्या फायद्याचा आहे.

दोन दिवसांपूर्वी 10 महिन्यांत 82 टक्क्यांहून अधिक तेजीसह विक्रमी उच्चांक गाठला होता. पण आता या उच्च पातळीपासून तो 5 टक्क्यांनी घसरला आहे.

एपीएल अपोलो ट्युब्सचे शेअर्स आता घसरले असले तरी ही खरेदी करण्याची सुवर्णसंधी मानली पाहिजे असे शेअर बाजार एक्सपर्ट मानत आहेत. देशांतर्गत ब्रोकरेज फर्म शेअरखानच्या मते, सध्याच्या पातळीपासून एपीएल अपोलो ट्युब्सचे शेअर्स सुमारे 17 टक्क्यांनी वाढू शकतात. त्यांच्या शेअर्सची किंमत सध्या 1715.15 रुपये आहे.

13 सप्टेंबर 2013 रोजी एपीएल अपोलो ट्यूब्सचे शेअर्स फक्त 15 रुपयांना होते. आता ते वाढून 1715.15 रुपयांवर पोहोचले आहेत, म्हणजेच अवघ्या 10 वर्षांत 88 हजार रुपयांच्या गुंतवणुकीवर शेअरने गुंतवणूकदारांना कोट्यधीश बनवले आहे.

गेल्या वर्षी 10 नोव्हेंबर 2022 रोजी तो 990 रुपयांच्या एका वर्षाच्या नीचांकी पातळीवर होता. यानंतर, 10 महिन्यांत ते 82 टक्क्यांहून अधिक वाढले आणि 6 सप्टेंबर 2023 रोजी 1,806.20 रुपयांच्या विक्रमी उच्चांकावर पोहोचला. मात्र, प्रॉफिट बुकींगमुळे तो खाली आला आणि सध्या या पातळीपासून 5 टक्के खाली आहे.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.