Share Market Closing Latest Update 2 April 2024: मंगळवारी शेअर बाजारात घसरण दिसून आली. कमकुवत जागतिक संकेतांमुळे ही घसरण झाली. सेन्सेक्स 73,903 आणि निफ्टी 22,453 वर बंद झाला. बँकिंग आणि आयटी क्षेत्रातील विक्रीमुळे बाजारात दबाव होता. तर ऑटो आणि मेटलमध्ये खरेदी झाली.
शेअर बाजारातील निर्देशांकांमध्ये निफ्टी मिडकॅप 100, बीएसई स्मॉल कॅप, निफ्टी ऑटो आणि निफ्टी एफएमसीजी वाढीसह बंद झाले तर निफ्टी आयटी, निफ्टी बँक, निफ्टी फार्मा आणि निफ्टी फायनान्शियल सर्व्हिसेस निर्देशांक घसरणीसह बंद झाले.
मंगळवारी शेअर बाजारात टाटा कंझ्युमर, महिंद्रा, बजाज ऑटो, बीपीसीएल, अदानी पोर्ट्स, डिव्हिस लॅब आणि नेस्ले इंडियाच्या शेअर्समध्ये वाढ झाली, तर हिरो मोटोकॉर्प, कोटक बँक, एचसीएल टेक, आयसीआयसीआय बँक, एसबीआय लाईफ, इन्फोसिस आणि टीसीएसच्या शेअर्समध्ये घसरण झाली.
मंगळवारी अदानी पोर्ट्सचे शेअर्स 3 टक्क्यांनी वाढले आणि 1,424.95 रुपयांच्या पातळीवर पोहोचले. शेअरने 52 आठवड्यांची उच्च पातळी गाठली आहे. अदानी पोर्ट्सचे शेअर्स गेल्या 8 ट्रेडिंग सत्रांमध्ये वधारत आहेत.
सेन्सेक्स आणि निफ्टी घसरणीसह बंद झाले असले तरी शेअर बाजाराच्या बाजार भांडवलात मोठी वाढ झाली आहे. BSE वर कंपन्यांचे मार्केट कॅप 395.67 लाख कोटी रुपयांवर बंद झाले. तर शेवटच्या सत्रात मार्केट कॅप 393.15 लाख कोटी रुपये होते. आजच्या सत्रात गुंतवणूकदारांच्या संपत्तीत 2.52 लाख कोटी रुपयांची वाढ दिसून आली.
शेअर बाजारात गुंतवणूकदारांना मल्टीबॅगर परतावा देणाऱ्या कंपन्यांमध्ये हिंदुस्तान झिंक, ओएनजीसी, एनटीपीसी आणि एचडीएफसी बँकेच्या शेअर्समध्ये वाढ झाली, तर ॲक्सिस बँक, टीसीएस, विप्रो, इन्फोसिस, एचसीएल टेक या कंपन्यांच्या शेअर्समध्ये घसरण झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.