Share Market Opening Latest Update 2 January 2024: मिश्र जागतिक संकेतांमुळे मंगळवारी शेअर बाजार घसरणीसह उघडला. बाजारातील प्रमुख निर्देशांक सपाट व्यवहार करत आहेत. सेन्सेक्स 120 अंकांनी घसरून 72150 वर आला. निफ्टी देखील 21700 च्या जवळ व्यवहार करत आहे.
बाजारात सर्वाधिक विक्री आयटी आणि बँकिंग क्षेत्रात होत आहे. आयशर मोटर आणि अल्ट्राटेक सिमेंट निफ्टीमध्ये सर्वाधिक घसरले आहेत. तर टाटा कंझ्युमरचा शेअर सर्वाधिक वाढला आहे.
शेअर बाजारात चढउतार होऊ शकतात, असे शेअर बाजारातील तज्ज्ञांचे म्हणणे आहे. मंगळवारी सुरुवातीच्या व्यवहारात, निफ्टी मिडकॅप 100, बीएसई स्मॉल कॅपमध्ये किंचित वाढ झाली तर निफ्टी आयटी आणि निफ्टी बँक निर्देशांक घसरले.
शेअर बाजारातील टॉप गेनर्समध्ये नेस्ले इंडियाच्या शेअर्समध्ये वाढ होत आहे. शेअर बाजाराच्या सुरुवातीच्या व्यवहारात अदानी एंटरप्रायझेस, अदानी पोर्ट्स आणि टेक महिंद्रा यांच्या शेअर्समध्ये घसरण दिसून आली.
शेअर बाजाराच्या सुरुवातीच्या व्यवहारात मल्टीबॅगर परतावा देणार्‍या शेअर्समध्ये जेनसोल इंजिनिअरिंगचे शेअर्स वधारत होते तर हजूर मल्टी प्रोजेक्ट्स आणि वॉक हार्ट लिमिटेडचे शेअर्सही तेजीत होते.
ब्रँड कॉन्सेप्ट, टाटा मोटर्स, युनिपार्ट्स लिमिटेड, जिओ फायनान्शिअल, स्टोव्ह क्राफ्ट, एक्साइड इंडस्ट्रीज आणि कामधेनू यांचे शेअर्स किरकोळ वाढले तर देवयानी इंटरनॅशनल, पटेल इंजिनीअरिंग, महिंद्रा अँड महिंद्रा आणि ओम इन्फ्रा घसरणीसह व्यवहार करत होते.
जिओजित फायनान्शियल सर्व्हिसेसचे विनोद नायर यांचे मत
व्याजदरात कपात, जागतिक चलनवाढ आणि रोखे उत्पन्न कमी झाल्यामुळे बाजारात तेजीचे वातावरण आहे. परंतु लाल समुद्रातील हौथी दहशतवाद्यांच्या कारवाया जागतिक पुरवठा साखळ्यांबद्दल चिंता वाढवत असल्याने वरच्या स्तरावर नफा-वसुली दिसून येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.