मंगळवारी (25 जुलै) शेअर बाजारात भरपूर चढ-उतार दिसले. सकाळी तेजीमध्ये सुरू झालेलं मार्केट दुपारनंतर रेड मार्कमध्ये दिसून आलं. यामुळे मार्केट बंद होताना सेन्सेक्समध्ये 29 अंकांची घसरण दिसून आली. तर, निफ्टीमध्ये 68 अंकांची तेजी दिसून आली.

आज व्यवहार बंद होताना सेन्सेक्स 66,355 अंकांवर स्थिरावला होता. तर, निफ्टी 19,680 अंकांवर बंद झालं. सेन्सेक्सच्या 30 पैकी 13 शेअर्समध्ये तेजी दिसून आली, तर 17 शेअर्स रेड मार्कमध्ये होते. दुसरीकडे निफ्टीच्या 50 पैकी 25 शेअर्समध्ये तेजी दिसून आली, तर 25 शेअर्स रेड मार्कमध्ये होते. (Share Market Closing Bell)

सेक्टरल अपडेट

आज बँकिंग, एफएमसीजी आणि आयटी स्टॉक्स अगदी मंदीत राहिले. दुसरीकडे ऑटो, ऑईल अँड गॅस, हेल्थकेअर, कंज्यूमर ड्यूरेबल्स, कमोडिटी, इन्फ्रा, एनर्जी, मेटल्स फार्मा या सेक्टरमधील शेअर्स तेजीत होते. निफ्टीच्या मिडकॅप इंडेक्समध्ये तेजी दिसून आली. तर, स्मॉलकॅप इंडेक्समध्ये पडझड पहायला मिळाली. (Share Market)