शुक्रवारी (3 नोव्हेंबर) सलग दुसऱ्या दिवशी शेअर बाजारात खरेदीची नोंद झाली. बाजारातील प्रमुख निर्देशांक तेजीसह बंद झाले. BSE सेन्सेक्स 282 अंकांनी वाढून 64,363 वर बंद झाला. निफ्टीनेही 92 अंकांची उसळी घेत 19,225 वर पोहोचला. बँकिंग, ऑटो, रिअल्टी क्षेत्रातील शेअर्स तेजीत होते.
आजच्या व्यवहारात सर्वच क्षेत्रातील शेअर्स तेजीसह बंद झाले. ग्राहकोपयोगी वस्तू क्षेत्रातील शेअर्समध्ये जोरदार खरेदी झाली. याशिवाय बँकिंग, आयटी, ऑटो, फार्मा, मेटल्स, एनर्जी, मीडिया, रिअल इस्टेट, एनर्जी, इन्फ्रा, हेल्थकेअर आणि तेल आणि गॅस क्षेत्रातील शेअर्समध्ये खरेदी झाली.
निफ्टी मिड कॅप निर्देशांक 275 अंकांच्या वाढीसह आणि निफ्टी स्मॉल कॅप निर्देशांक 155 अंकांच्या वाढीसह बंद झाला. सेन्सेक्समधील 30 शेअर्सपैकी 16 शेअर्स वाढले आणि 14 शेअर्स घसरले. तर निफ्टीच्या 50 शेअर्सपैकी 32 शेअर्स वाढीसह आणि 18 शेअर्स घसरणीसह बंद झाले.
सेन्सेक्समधील 30 शेअर्सपैकी 16 शेअर्स आज वाढीसह बंद झाले. यामध्येही टायटनच्या शेअर्समध्ये सर्वाधिक 2.22 टक्के वाढ झाली. तर JSW स्टील, टाटा मोटर्स, टेक महिंद्रा आणि ICICI बँकेचे शेअर्स वाढीसह बंद झाले.
सेन्सेक्समधील उर्वरित 14 शेअर्स आज घसरणीसह बंद झाले. यामध्येही बजाज फिनसर्व्हचे शेअर्स सर्वाधिक 2.37 टक्क्यांनी घसरले. याशिवाय इंडसइंड बँक, नेस्ले इंडिया, टाटा स्टील आणि बजाज फायनान्सचे शेअर्स घसरणीसह बंद झाले.
BSE वर सूचीबद्ध कंपन्यांचे एकूण बाजार भांडवल आज 3 नोव्हेंबर रोजी वाढून 315.17 लाख कोटी रुपयांवर पोहोचले, जे त्याच्या आधीच्या ट्रेडिंग दिवशी म्हणजे गुरुवारी 2 नोव्हेंबर रोजी 313.24 लाख कोटी रुपये होते.
अशा प्रकारे, BSE मध्ये सूचीबद्ध कंपन्यांचे मार्केट कॅप आज सुमारे 1.93 लाख कोटी रुपयांनी वाढले आहे. किंवा दुसऱ्या शब्दांत, गुंतवणूकदारांच्या संपत्तीत सुमारे 1.93 लाख कोटी रुपयांची वाढ झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.