Share Market Closing Sakal
Share Market

Share Market Closing: आयटी शेअर्सच्या विक्रीमुळे बाजार सुस्त, सेन्सेक्स 66,400 च्या जवळ बंद, कोणते शेअर्स घसरले?

Share Market Closing: आयटी क्षेत्रामुळे बाजारावर दबाव होता.

राहुल शेळके

Share Market Closing Latest Update 12 October 2023: गुरुवारी बाजारातील प्रमुख निर्देशांकांमध्ये सुस्त व्यवहार होता. BSE सेन्सेक्स 64 अंकांनी घसरला आणि 66,408 वर बंद झाला. निफ्टीही 17 अंकांनी घसरला आणि 19,794 वर बंद झाला. आयटी क्षेत्रामुळे बाजारावर दबाव होता.

मिडकॅप आणि स्मॉलकॅप शेअर्समध्ये चांगली खरेदी दिसून आली आणि दोन्ही निर्देशांक अनुक्रमे 0.30% आणि 0.60% वाढले, ज्यामुळे शेअर बाजारातील गुंतवणूकदारांच्या संपत्तीत आज सुमारे 56 हजार कोटी रुपयांची वाढ झाली.

क्षेत्रीय निर्देशांकाची स्थिती

आजच्या व्यवहारात बँकिंग, ऑटो, एफएमसीजी, मेटल्स, एनर्जी, मीडिया, कंझ्युमर ड्युरेबल्स आणि हेल्थकेअर या कंपन्यांच्या शेअर्समध्ये वाढ झाली. तर आयटी आणि रिअल इस्टेट क्षेत्रातील शेअर्समध्ये घसरण झाली आहे.

आजच्या व्यवहारात मिड कॅप आणि स्मॉल कॅप शेअर्समध्ये तेजी दिसून आली. सेन्सेक्समधील 30 शेअर्सपैकी 16 शेअर्स वाढीसह आणि 14 शेअर्स घसरणीसह बंद झाले. तर निफ्टीच्या 50 शेअर्सपैकी 30 शेअर्स वाढीसह आणि 20 शेअर्स घसरणीसह बंद झाले.

सेन्सेक्समध्ये 'या' शेअर्समध्ये तेजी

सेन्सेक्समधील 30 पैकी 16 शेअर्स आज वाढीसह बंद झाले. यामध्येही मारुती सुझुकीच्या शेअर्समध्ये सर्वाधिक 1.73 टक्के वाढ झाली आहे. तर पॉवर ग्रिड, NTPC, महिंद्रा अँड महिंद्रा (M&M) आणि JSW स्टीलचे शेअर्स वाढीसह बंद झाले.

सेन्सेक्समध्ये 'या' शेअर्समध्ये तेजी

सेन्सेक्समधील उर्वरित 14 शेअर्स आज घसरणीसह बंद झाले. यापैकी टेक महिंद्राचे शेअर्स 2.72 टक्क्यांनी घसरले. याशिवाय इन्फोसिस, टाटा कन्सल्टन्सी सर्व्हिसेस (टीसीएस), एचसीएल टेक आणि बजाज फायनान्सचे शेअर्स घसरले.

गुंतवणूकदारांनी 56 हजार कोटी रुपये कमावले

BSE वर सूचीबद्ध कंपन्यांचे एकूण बाजार भांडवल आज 12 ऑक्टोबर रोजी वाढून 322.17 लाख कोटी रुपये झाले, जे त्याच्या आधीच्या ट्रेडिंग दिवशी म्हणजे बुधवारी, 11 ऑक्टोबर रोजी 321.61 लाख कोटी रुपये होते.

अशाप्रकारे, BSE मध्ये सूचीबद्ध कंपन्यांचे मार्केट कॅप आज सुमारे 56 हजार कोटी रुपयांनी वाढले आहे. किंवा दुसऱ्या शब्दांत, गुंतवणूकदारांच्या संपत्तीत सुमारे 56 हजार कोटी रुपयांची वाढ झाली आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

GST Slab Proposal: कररचनेत ऐतिहासिक बदल! आता जीएसटीत फक्त दोनच दर, केंद्राचा प्रस्ताव मंजूर

Explainer: 'गाझा'वर ताबा मिळवण्यासाठी इस्रायल तयार; पण २० वर्षांपूर्वी सैनिकांना माघारी बोलावण्याची आली होती वेळ

Vajrasana Benefits: जेवल्यावर लगेच करता येणारे एकमेव आसन! जाणून घ्या वज्रासनाचे जबरदस्त फायदे

Charging Port Repair Tips : मोबाइल चार्ज होत नाही? घरच्या घरी 'या' सोप्या ट्रिकने दुरुस्त करा पोर्ट, बघा एका क्लिकवर

Trump Tariff: ट्रम्प टॅरिफचा फटका अमेरिकेलाच बसला! 446 कंपन्या दिवाळखोर; बेरोजगारीही वाढली

SCROLL FOR NEXT