Share Market Closing Latest Update 18 August 2023:

आठवड्याच्या शेवटच्या व्यवहाराच्या दिवशी शेअर बाजार घसरणीसह बंद झाला. सेन्सेक्स 0.31% किंवा 202 अंकांनी घसरून 64,949 वर बंद झाला. 8 शेअर्समध्ये खरेदी आणि 22 मध्ये विक्री झाली. निफ्टीमध्ये टेक महिंद्रा आणि टीसीएसचे शेअर्स 2-2 टक्क्यांनी घसरून बंद झाले. तर अदानी एंटरप्रायझेस आणि अदानी पोर्ट्सचे शेअर्स 3-3 टक्क्यांच्या वाढीसह बंद झाले.

बाजारातील घसरणीची कारणे

• जागतिक बाजारातून कमकुवत संकेत

• डॉलरच्या तुलनेत रुपयाची घसरण

• हेवीवेट शेअर्समध्ये मोठी घसरण

सेन्सेक्सवर 'या' शेअर्समध्ये घसरण:

बीएसई सेन्सेक्सवर टीसीएसचा शेअर सर्वाधिक 2.14 टक्क्यांच्या घसरणीसह बंद झाला. त्याचप्रमाणे टेक महिंद्रा, इन्फोसिस, पॉवरग्रीड, सन फार्मा, विप्रो, बजाज फिनसर्व्ह, बजाज फायनान्स, कोटक महिंद्रा बँक, एशियन पेंट्स, टायटन, लार्सन अँड टुब्रो, एचसीएल टेक, एचडीएफसी बँक, इंडसइंड बँक, जेएसडब्ल्यू स्टील आणि एनटीपीसी यांचे शेअर्स घसरणीसह बंद झाले.

सेन्सेक्सवर 'या' शेअर्समध्ये तेजी:

रिलायन्स इंडस्ट्रीज (आरआयएल), मारुती, नेस्ले इंडिया, अॅक्सिस बँक, हिंदुस्तान युनिलिव्हर लिमिटेड (एचयूएल), टाटा मोटर्स, आयटीसी आणि एसबीआय यांचे शेअर्स तेजीसह बंद झाले.

एलकेपी सिक्युरिटीजचे संशोधन प्रमुख एस रंगनाथन यांनी सांगितले की, आयटी शेअर्स तसेच पीएसयू शेअर्समध्ये नफावसुली झाल्यामुळे आज देशांतर्गत इक्विटी बाजार घसरणीसह बंद झाले.

गुंतवणूकदारांचे 81 हजार कोटी बुडाले

BSE वर सूचिबद्ध कंपन्यांचे एकूण बाजार भांडवल शुक्रवार, 18 ऑगस्ट रोजी 303.16 लाख कोटी रुपयांवर घसरले, जे त्याच्या आधीच्या ट्रेडिंग दिवसाच्या म्हणजेच गुरुवार, 17 ऑगस्ट रोजी 303.97 लाख कोटी रुपये होते.

अशाप्रकारे, बीएसईमध्ये सूचीबद्ध कंपन्यांचे मार्केट कॅप आज सुमारे 81 हजार कोटी रुपयांनी कमी झाले आहे. किंवा दुसऱ्या शब्दांत, गुंतवणूकदारांच्या संपत्तीत सुमारे 81 हजार कोटी रुपयांची घट झाली आहे.