Share Market Closing 8 May 2023: आठवड्याच्या पहिल्या व्यवहाराच्या दिवशी शेअर बाजारात जोरदार तेजी पाहायला मिळाली. सेन्सेक्स 709 अंकांनी वाढून 61,763.31 वर बंद झाला. त्याचप्रमाणे निफ्टी 202 अंकांच्या वाढीसह 18,271 वर बंद झाला. बँकिंग, ऑटो, फायनान्शिअल आणि रियल्टी शेअर्स तेजीत होते.

इंडसइंड बँक शेअर निफ्टीमध्ये 5 टक्क्यांच्या वाढीसह सर्वाधिक तेजीत होता. तर कोल इंडिया आणि अदानी एंटरप्रायझेसच्या शेअर्समध्ये 1-1 टक्क्यांची घसरण दिसून आली. याआधी शुक्रवारी देशांतर्गत बाजारात जोरदार विक्री दिसून आली.

बँक शेअर्सची जबरदस्त तेजी:

आज बँक शेअर्सच्या जबरदस्त तेजीमुळे शेअर बाजारात वाढ झाली आणि सेन्सेक्समध्ये 700 अंकांची वाढ हा त्याचाच परिणाम आहे.

आज बँक निफ्टी 622 अंकांच्या म्हणजेच 1.46 टक्क्यांच्या वाढीसह 43,284 च्या पातळीवर बंद झाला आहे. निफ्टीचा मिडकॅप निर्देशांकही 327 अंकांनी वाढून 1.02 टक्क्यांवर बंद झाला.

सेन्सेक्समधील 30 पैकी 27 शेअर्स तेजीत:

सेन्सेक्सच्या 30 शेअर्सपैकी 27 शेअर्समध्ये वाढी झाली आणि केवळ 3 शेअर्समध्ये घसरणीसह व्यापार बंद झाला. इंडसइंड बँकेचा सर्वाधिक शेअर 4.92 टक्क्यांच्या वाढीसह बंद झाला. टाटा मोटर्स 4.82 टक्के, बजाज फायनान्स 4.21 टक्के आणि बजाज फिनसर्व्ह 3.32 टक्के वाढीसह बंद झाले.

निफ्टीच्या रिअल्टी सेक्टरमध्ये ऑटो शेअर्स 1.8 टक्क्यांनी वधारले. वित्तीय शेअर्स 1.50 टक्क्यांनी आणि बँक निफ्टी 1.47 टक्क्यांनी वधारले. तेल आणि वायूचे शेअर्स 0.68 टक्क्यांच्या मजबूतीसह बंद झाले आहेत.