Share Market Investment Tips: बुधवारी सेन्सेक्स-निफ्टी अस्थिर वातावरणात वाढीसह बंद झाले. निफ्टी 19450 च्या वर बंद झाला आहे. व्यवहाराच्या शेवटी, सेन्सेक्स 137.50 अंकांनी अर्थात 0.21 टक्क्यांनी वाढून 65539.42 वर बंद झाला. तर निफ्टी 30.50 अंकांच्या म्हणजेच 0.16 टक्क्यांच्या वाढीसह 19465 च्या पातळीवर बंद झाला.

आज कशी असेल बाजाराची स्थिती?

बुधवारी बाजारात प्रचंड अस्थिरता होती, पण आयटी, रिऍल्टी आणि पॉवर शेअर्समधील खरेदीमुळे नंतर बाजाराने वेग पकडल्याचे कोटक सिक्युरिटीजचे श्रीकांत चौहान यांनी सांगितले. पण, चीनमधील मागणी कमी झाल्याच्या चिंतेमुळे मेटल शेअर्समध्ये घसरण झाली.

तांत्रिक दृष्टीकोनातून, डेली चार्टवर एक बुलिश कँडल आणि इंट्राडे चार्टवर हायर बॉटम फॉर्मेशन सध्याच्या पातळीपासून आणखी तेजीचे संकेत देत आहे. ट्रेंड फॉलो करणाऱ्या ट्रेडर्ससाठी 19400 पातळी खूप महत्त्वाची आहे.

जर निफ्टी या पातळीच्या वर जाण्यात यशस्वी झाला तर त्यात 19550-19575 ही पातळी दिसून येईल. दुसरीकडे, जर निफ्टी 19400 च्या खाली गेला तर ही घसरण 19350-19300 पर्यंत वाढू शकते.

आजचे टॉप 10 शेअर्स कोणते ?

• अपोलो हॉस्पिटल (APOLLOHOSP)

• अल्ट्राटेक सिमेंट (ULTRACEMCO)

• एनटीपीसी (NTPC)

• इन्फोसिस (INFY)

• टाटा मोटर्स (TATAMOTORS)

• झायडस लाइफ (ZYDUSLIFE)

• ट्रेंट (TRENT)

• ऍस्ट्रल (ASTRAL)

• लॉरस लॅब (LAURUSLABS)

• अशोक लेलँड (ASHOKLEY)

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.