Share Market Investment Tips: बुधवारी अखेर निफ्टीने आपला सर्वकालीन उच्चांक पार केला. जून एक्स्पायरीच्या दिवशी (28 जून) निफ्टीने 19000 चा मोठा अडथळा पार केला.

सेन्सेक्सने 22 जून रोजी केलेल्या 63601.71 च्या मागील उच्चांकाला मागे टाकत नवीन विक्रम नोंदवला. इंट्राडे आधारावर, निफ्टी आणि सेन्सेक्सने 19011.25 आणि 64050.44 च्या विक्रमी उच्चांक गाठला.

व्यवहाराच्या शेवटी सेन्सेक्स 499.39 अंकांनी अर्थात 0.79 टक्क्यांनी वाढून 63915.42 वर बंद झाला. आणि त्याच वेळी, निफ्टी 154.70 अंकांनी म्हणजेच 0.82 टक्क्यांनी वाढून 18972.10 वर बंद झाला.

आज कशी असेल बाजाराची स्थिती?

28 जून रोजी निफ्टीने सलग दुसऱ्या दिवशी वाढ केली आणि त्याने नवीन उच्चांक गाठल्याचे एचडीएफसी सिक्युरिटीजचे दीपक जसानी म्हणाले. शेवटी, तो 0.82 टक्क्यांनी अर्थात 154.7 अंकांनी वाढून 18972.1 वर बंद झाला.

मासिक एफएंडओ एक्स्पायरी दिवशी एनएसईवरील व्हॉल्यूम अलीकडील सरासरीपेक्षा जास्त होते. तथापि, निफ्टीच्या तुलनेत ब्रॉडर मार्केटमध्ये कमी फायदा झाला आहे.

बुधवारी जागतिक बाजारातही तेजी दिसून आली. अमेरिकेच्या चांगल्या आर्थिक बातम्यांमुळे जागतिक वाढीशी संबंधित चिंता कमी झाली आहे.

सध्याची बाजारातील तेजी यापुढेही कायम राहू शकते. सध्याचा अपट्रेंड चालू राहू शकतो. शॉर्ट टर्ममध्ये, निफ्टीसाठी पुढील रझिस्टंस 19000-19200 च्या बँडमध्ये असू शकतो. काही करेक्शन झाल्यास, निफ्टीला 18646 चा सपोर्ट दिसत आहे.

आजचे टॉप 10 ऍक्शन शेअर्स कोणते?

• अदानी एन्टरप्रायझेस (ADANIENT)

• अदानी पोर्ट्स (ADANIPORTS)

• जेएसडब्ल्यू स्टील (JSWSTEEL)

• बजाज ऑटो (BAJAJ-AUTO)

• सनफार्मा (SUNPHARMA)

• इंडियन हॉटेल (INDHOTEL)

• ऑरो फार्मा (AUROPHARMA)

• आयडीएफसी फर्स्ट बँक (IDFCFIRSTB)

• टीव्हीएस मोटर्स (TVSMOTOR)

• अशोक लेलँड (ASHOKLEY)

नोंद: क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.