Share Market Investment Tips: बुधवारीही बाजारात प्रॉफिट बुकींग सुरूच राहिल्याने निफ्टी 18200 च्या खाली बंद झाला. जागतिक बाजारातील संमिश्र संकेत आणि यूएस कर्ज मर्यादा संकटांचा बाजारावर परिणाम दिसून आला.

व्यवहाराच्या शेवटी, सेन्सेक्स 371.83 अंकांनी अर्थात 0.60 टक्क्यांनी घसरून 61560.64 वर आणि निफ्टी 104.70 अंकांनी म्हणजेच 0.57 टक्क्यांनी घसरून 18181.80 वर बंद झाला.

आज कशी असेल बाजाराची स्थिती?

बुधवारी बाजार नकारात्मक क्षेत्रात राहिल्याचे कोटक सिक्युरिटीजचे श्रीकांत चौहान यांनी सांगितले. नुकत्याच झालेल्या तेजीनंतर सावध गुंतवणूकदारांनी प्रॉफिट बुक करणे सुरू ठेवले.

अमेरिका आणि चीनमधून येणारा कमकुवत आर्थिक डेटा पुन्हा एकदा मंदीची भीती वाढवत आहे. यामुळे गुंतवणूकदार बाजार आणि अर्थव्यवस्थेच्या पुढच्या दृष्टिकोनाबद्दल चिंतेत आहेत.

तांत्रिकदृष्ट्या बोलायचे झाले तर निफ्टीने 18250 ची महत्त्वाची सपोर्ट लेव्हल मोडली आहे. यासह, डेली चार्टवर एक बियरीश कँडल तयार केली आहे जी नकारात्मक संकेत देत आहे. 18250 आणि 18300 ला रझिस्टंस दिसत आहे, तर 18100-18050 ची पातळी सपोर्ट म्हणून काम करू शकते.

आजचे टॉप 10 ऍक्शन शेअर्स कोणते?

• कोटक बँक (KOTAKBANK)

• अपोलो हॉस्पिटल (APOLLOHOSP)

• एसबीआय लाईफ (SBILIFE)

• टीसीएस (TCS)

• एचसीएल टेक (HCLTECH)

• झिंदाल स्टील (JINDALSTEL)

• ऑरो फार्मा (AUROPHARMA)

• हिंदुस्थान पेट्रोलियम (HINDPETRO)

• एम फॅसिस (MPHASIS)

• बालक्रिष्ण इंडस्ट्रीज (BALKRISIND)

नोंद: क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.