Share Market Investment Tips: बुधवारी शेअर बाजार तेजीसह बंद झाला. आरबीआय एमपीसी निकालाच्या एक दिवस आधी अर्थात बुधवारी 2023 वर्षात निफ्टी पहिल्यांदा 18700 पार करताना दिसला.

व्यवहाराच्या शेवटी, सेन्सेक्स 350.08 अंकांनी अर्थात 0.56 टक्क्यांनी वाढून 63142.96 वर बंद झाला आणि निफ्टी 127.40 अंकांनी म्हणजेच 0.68 टक्क्यांनी वाढून 18726.40 वर बंद झाला.

आज कशी असेल बाजाराची स्थिती?

क्रेडिट पॉलिसीच्या एक दिवस आधी, अर्थात बुधवारी बाजारात व्यापक-आधारित रॅली होती आणि सेन्सेक्स 63000 च्या वर बंद होण्यात यशस्वी झाल्याचे कोटक सिक्युरिटीजचे श्रीकांत चौहान म्हणाले.

तांत्रिकदृष्ट्या बोलायचे झाल्यास, निफ्टीने 18650 चा रझिस्टंस ओलांडल्याने बाजारातील मूड सुधारला आहे. एक बुलिश कँडल ऑन झाल्याने आणि हायर बॉटम फॉर्मेशनमुळे बाजारात आणखी चढ-उतार दिसत आहे.

ब्रेकआउट ट्रेडर्स 18650 च्या पातळीला मोठा सपोर्ट म्हणून पाहत आहेत. हा सपोर्ट कायम राहिल्यास निफ्टी 18800-18875 या पातळीकडे वाटचाल करु शकेल. दुसरीकडे, जर हा सपोर्ट तुटला तर ही घसरण 18600-18550 पर्यंत जाऊ शकते.

आजचे टॉप 10 ऍक्शन शेअर्स कोणते?

• ब्रिटानिया (BRITANNIA)

• टाटा कंझ्युमर (TATACONSUM)

• बीपीसीएल (BPCL)

• नेसले इंडिया (NESTLEIND)

• एचडीएफसी लाईफ (HDFCLIFE)

• हिंदुस्थान पेट्रोलियम (HINDPETRO)

• लॉरस लॅब (LAURUSLABS)

• झिंदाल स्टील (JINDALSTEL)

• इंडियन हॉटेल (INDHOTEL)

• गोदरेज प्रॉपर्टीज (GODREJPROP)

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.