Share Market Investment Tips : ग्रोइंग्टन व्हेंचर्स इंडियाचे (Growington Ventures India) शेअर्स मल्टीबॅगर शेअर्सच्या लिस्टमध्ये सामिल झालेत. या स्मॉल-कॅप स्टॉकने गेल्या एका वर्षात आपल्या गुंतवणूकदारांना 908.06 टक्के बंपर परतावा दिला आहे.

आता कंपनीने आपल्या पात्र भागधारकांना बोनस शेअर्स देण्याची घोषणा केली आहे. कंपनीच्या बोर्ड ऑफ डायरेक्टर्सने 24:100 च्या प्रमाणात बोनस शेअर्स जाहीर केले आहेत. याचा अर्थ कंपनी प्रत्येक 100 शेअर्समागे 24 बोनस शेअर्स जारी करेल.

ग्रोइंग्टन व्हेंचर्स इंडियाने सातत्याने आपल्या गुंतवणूकदारांना उत्कृष्ट परतावा दिला आहे. गेल्या एका महिन्यातच त्याचे शेअर्स 30 टक्क्यांनी वाढले आहेत. त्याच वेळी, गेल्या 6 महिन्यांत ते 81 टक्क्यांनी वाढले आहे.

या वर्षी आतापर्यंत स्टॉकने 84 टक्के परतावा दिला आहे. त्याच वेळी, गेल्या एका वर्षात, त्याने आपल्या गुंतवणूकदारांना तब्बल 908 टक्के परतावा दिला आहे.

ग्रोइंग्टन व्हेंचर्स इंडियाच्या एका शेअरची किंमत मार्च 2022 मध्ये 9.92 रुपये होती. जी आता 100 रुपयांवर पोहोचली आहे. याचा अर्थ गुंतवणूकदारांच्या पैशात अवघ्या एका वर्षात 10 पट वाढ झाली आहे. जर तुम्ही मार्च 2022 मध्ये या स्टॉकमध्ये 1 लाख रुपये गुंतवले असते तर आज त्याची किंमत 10 लाख झाली असती.

ग्रोइंग्टन व्हेंचर्स इंडिया लिमिटेड ही कंपनी आधी व्हीएमव्ही हॉलिडेज लिमिटेड म्हणून ओळखली जात होती. ही कोलकातामध्ये ट्रॅव्हल एजन्सी म्हणून काम करते.

कंपनी विमान तिकीट बुकिंग, टूर पॅकेज, हॉटेल आणि रिसॉर्ट बुकिंग, कार रेंटल सर्व्हिस, व्हिसा, इव्हेंट मॅनेजमेंट आणि वेडिंग प्लानिंगसह प्रवास आणि पर्यटनाशी संबंधित सेवा देते. कंपनी देशांतर्गत टूर पॅकेजेस आणि आंतरराष्ट्रीय टूर पॅकेजेसही ऑफर करते.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.