Share Market Opening Latest Update 20 December 2023:

चांगल्या जागतिक संकेतांमुळे बुधवारी शेअर बाजारात नवा विक्रम झाला. प्रमुख निर्देशांकांनी नवीन सर्वकालीन उच्चांक गाठले. पहिल्यांदाच सेन्सेक्सने 71850 आणि निफ्टीने 21550 चा टप्पा पार केला.

बाजारपेठेत एफएमसीजी आणि आयटी क्षेत्रात सर्वाधिक खरेदी नोंदवली जात आहे. टेक महिंद्रा आणि विप्रो हे निफ्टीमध्ये सर्वाधिक वाढलेले आहेत, तर M&M आणि मारुतीचे शेअर्स सर्वाधिक घसरले आहेत.

सुरुवातीच्या व्यवहारात, निफ्टी मिड कॅप 100, बीएसई स्मॉल कॅप, निफ्टी आयटी आणि निफ्टी बँक निर्देशांक वाढ नोंदवत होते. शेअर बाजाराच्या सुरुवातीच्या व्यवहारात वाढ दर्शविणाऱ्या शेअर्समध्ये एलटीआय माइंडट्री, टेक महिंद्रा, विप्रो आणि टीसीएस सारख्या कंपन्यांचे शेअर्स वधारत होते तर पिरामल एंटरप्रायझेस, इंडियाबुल्स हाऊसिंग फायनान्स, राजेश एक्सपोर्ट आणि मिंडा कॉर्पोरेशनचे शेअर्स घसरले.

मल्टीबॅगर परतावा देणाऱ्या शेअर्समध्ये ओम इन्फ्रा, ब्रँड कॉन्सेप्ट, देवयानी इंटरनॅशनल, युनि पार्ट्स इंडिया, पटेल इंजिनीअरिंग, जिओ फायनान्शिअल, कामधेनू लिमिटेड, टाटा मोटर्स, स्टोव्ह क्राफ्ट आणि एक्साइड इंडस्ट्रीज यांचे शेअर्स वधारले.

अदानी समूहाच्या नऊ सूचीबद्ध कंपन्यांपैकी 8 कंपन्यांच्या शेअर्समध्ये वाढ नोंदवली तर अदानी पॉवर लिमिटेडचे ​​शेअर्स किंचित घसरणीसह व्यवहार करत होते.

बुधवारी सुरुवातीच्या व्यवहारात हजूर मल्टी प्रोजेक्ट्स, बीसीएल इंडस्ट्रीज, डीपी वायर्स, कजारिया सिरॅमिक्स, साउथ इंडियन बँक, लाइफ इन्शुरन्स कॉर्पोरेशन, गेल इंडिया, बंधन बँक, आयटीसी लिमिटेड, इंडियन ऑइल, पंजाब नॅशनल बँक, चेंबंड केमिकल आणि वोक्हार्ट लिमिटेडच्या ​​शेअर्समध्ये तेजी होती.

जागतिक संकेत चांगले

आज देशांतर्गत शेअर बाजारासाठी जागतिक संकेत चांगले दिसत आहेत. आजच्या व्यवहारात प्रमुख आशियाई बाजारांमध्ये खरेदी दिसून येत आहे. याआधी मंगळवारी अमेरिकन बाजारही वाढीने बंद झाले होते. मंगळवारी डाऊ जोन्स इंडस्ट्रियल 252 अंकांनी वाढून 37557.92 च्या पातळीवर बंद झाला.