Share Market Opening Latest Update 19 October 2023: गुरुवारी शेअर बाजारात घसरण झाली. कमकुवत जागतिक संकेतांमुळे प्रमुख निर्देशांक घसरणीसह उघडले. BSE सेन्सेक्स 440 अंकांनी घसरून 65,400 च्या पातळीवर व्यवहार करत आहे. निफ्टीही 120 अंकांनी घसरून 19,500 च्या पातळीवर पोहोचला आहे. निफ्टीमध्ये, बजाज ऑटोच्या निकालांमुळे 4% वाढ झाली, तर विप्रो कंपनीचे शेअर्स 3% घसरले.

कोणत्या शेअर्समध्ये वाढ?

शेअर बाजाराच्या सुरुवातीच्या व्यवहारात बजाज ऑटो, L&T Mindtree, IndusInd Bank, Divi's Labs या कंपन्यांच्या शेअर्समध्ये वाढ झाली आहे, तर विप्रो, Hindalco, Tata Steel आणि JSW स्टीलच्या शेअर्समध्ये घसरण होत आहे.

शेअर बाजाराच्या सुरुवातीच्या व्यवहारात अदानी समूहाच्या सर्व नऊ कंपन्यांच्या शेअर्समध्ये घसरण नोंदवली जात आहे. अदानी ग्रीन एनर्जीचे शेअर्स 928 रुपयांवर व्यवहार करत आहे. अदानी पोर्ट्स, अदानी विल्मर, एसीसी लिमिटेड, अदानी टोटल गॅस, अदानी एंटरप्रायझेस, अदानी पॉवर, अंबुजा सिमेंट आणि एनडीटीव्ही या सर्व कंपन्यांचे शेअर्स घसरणीसह व्यवहार करत होते.

शेअर बाजारात घसरण का होत आहे?

शेअर बाजारातील घसरणीचे प्रमुख कारण म्हणजे परदेशी गुंतवणूकदारांची विक्री हे आहे. मध्यपूर्वेतील इस्राइल आणि हमास यांच्या वाढत्या संघर्षामुळे आणि व्याजदर वाढल्यामुळे देशांतर्गत शेअर बाजारांना विक्रीच्या दबावाचा सामना करावा लागत आहे.

तज्ज्ञ काय सांगतात?

मोतीलाल ओसवाल संशोधन विभागाचे प्रमुख सिद्धार्थ खेमका म्हणाले, "येत्या काळात शेअर बाजारात विक्रीचा दबाव दिसू शकतो कारण कच्च्या तेलाच्या किंमतीत वाढ झाल्याने वस्तूंच्या किंमतींवर परिणाम होऊ शकतो. जोपर्यंत इस्रइल आणि गाझा यांच्यातील तणाव कमी होत नाही तोपर्यंत गुंतवणूकदारांचा कल नकारात्मक राहू शकतो "

जागतिक बाजारपेठेत मोठी घसरण

जागतिक बाजारातील शेअर बाजारावर दबाव आहे. बुधवारी अमेरिकन बाजारात घसरण होत आहे. डाऊ जोन्स सरासरी 0.98 टक्क्यांनी घसरला आहे. आजच्या व्यवहारात आशियाई बाजारांनाही मोठे नुकसान सहन करावे लागत आहे. जपानचा निक्केई 1.86 टक्क्यांनी घसरला आहे. हाँगकाँगचा हँग सेंग सुमारे 1.88 टक्के घसरला आहे.