Share Market Closing Latest Update 2 May 2024: गुरुवारच्या व्यवहारात भारतीय शेअर बाजार तेजीसह बंद झाला. ऑटो आणि एनर्जी शेअर्समधील खरेदीमुळे बाजारात ही वाढ दिसून आली. आजच्या ट्रेडिंग सत्रात मिडकॅप शेअर्समध्येही खरेदी दिसून आली. बाजार बंद होताना बीएसई सेन्सेक्स 128 अंकांच्या वाढीसह 74,611 अंकांवर तर राष्ट्रीय शेअर बाजाराचा निफ्टी 44 अंकांच्या वाढीसह 22,649 अंकांवर बंद झाला.

क्षेत्रीय निर्देशांकाची स्थिती

आजच्या व्यवहारात ऑटो, फार्मा, एफएमसीजी, मेटल, एनर्जी, हेल्थकेअर, ऑइल आणि गॅस क्षेत्रातील शेअर्स वाढीसह बंद झाले. तर बँकिंग आणि मीडिया क्षेत्रातील शेअर्स घसरणीसह बंद झाले. निफ्टी मिडकॅप निर्देशांक आणि स्मॉल कॅप निर्देशांकही वाढीसह बंद झाले.

मिडकॅप आणि स्मॉलकॅप शेअर्समध्ये खरेदी दिसून येत आहे. सेन्सेक्समधील 30 शेअर्सपैकी 18 शेअर्स वाढीसह बंद झाले तर 12 शेअर्स घसरणीसह बंद झाले.

अमेरिकन सेंट्रल बँक फेडरल रिझर्व्हने व्याजदरात बदल न केल्याने शेअर बाजारावर विशेष परिणाम दिसून आला नाही. कच्च्या तेलाच्या किमतीत झालेली घसरण आणि एप्रिलमध्ये देशांतर्गत वाहन विक्रीचे चांगले आकडे यामुळे शेअर बाजारातील वातावरण सकारात्मक होते.

मार्केट कॅपने गाठला ऐतिहासिक उच्चांक

भारतीय शेअर बाजारातील तेजीमुळे मार्केट कॅपने ऐतिहासिक उच्चांक गाठला आहे. बीएसईवर शेअर्सचे मार्केट कॅप 408.54 लाख कोटी रुपयांवर बंद झाले, जे मागील सत्रात 406.55 लाख कोटी रुपये होते. आजच्या सत्रात गुंतवणूकदारांच्या संपत्तीत 1.99 लाख कोटी रुपयांची वाढ दिसून आली.

कोणते शेअर्स तेजीत?

आजच्या व्यवहारात ऊर्जा क्षेत्रातील शेअर्समध्ये सर्वाधिक वाढ दिसून आली आहे. पॉवर फायनान्स 5.96 टक्के, ट्रेंट 5.37 टक्के, चोला इन्व्हेस्टमेंट 9.08 टक्के, डाबर इंडिया 3.46 टक्के, इंडिगो 3.16 टक्के, आयसीओ 2.69 टक्के वाढीसह बंद झाले. तर पीएनबी 2.13 टक्के, गेल 1.94 टक्के, अदानी एनर्जी 1.16 टक्क्यांनी घसरणीसह बंद झाले.