Share Market Closing Latest Update 9 April 2024: आज मंगळवारी बीएसई सेन्सेक्स 58 अंकांच्या घसरणीसह 74,683 अंकांच्या पातळीवर बंद झाला तर निफ्टी 23 अंकांच्या घसरणीसह 22,642 अंकांच्या पातळीवर बंद झाला. शेअर बाजारातील व्यवहाराला मंगळवारी चांगली सुरुवात झाली. व्यवहाराच्या शेवटी नफा बुकिंगमुळे शेअर बाजारात घसरण झाली.

क्षेत्रीय निर्देशांकाची स्थिती

मंगळवारी शेअर बाजाराने जोरदार सुरुवात केल्यानंतर अखेर शेअर बाजार घसरणीसह बंद झाला. शेअर बाजारात, निफ्टी मिडकॅप 100, बीएसई स्मॉल कॅप, निफ्टी ऑटो, निफ्टी फार्मा आणि निफ्टी एफएमसीजी निर्देशांकात घसरण झाली. मंगळवारच्या व्यवहारात निफ्टी आयटी, निफ्टी बँक आणि निफ्टी फायनान्शिअल सर्व्हिसेसमध्ये वाढ झाली.

कोणते शेअर्स वाढले?

मंगळवारी शेअर बाजारातील टॉप गेनर्समध्ये अपोलो हॉस्पिटल, हिंदाल्को, आयसीआयसीआय बँक, इन्फोसिस, आयशर मोटर्स, बजाज फिनसर्व्ह आणि ग्रासिम इंडस्ट्रीजच्या शेअर्समध्ये वाढ झाली.

तर टायटन, हीरो मोटोकॉर्प, कोल इंडिया, रिलायन्स इंडस्ट्रीज लिमिटेड, बीपीसीएल आणि टाटा कंझ्युमरच्या शेअर्समध्ये घसरण झाली आहे. सेन्सेक्समधील 30 शेअर्सपैकी केवळ 12 शेअर्स वाढीसह बंद झाले आणि 18 शेअर्स घसरणीसह बंद झाले.

कंपन्यांच्या मार्केट कॅपमध्ये घसरण

सकाळी 401 लाख कोटी रुपयांच्या वर गेलेला मार्केट कॅप बाजार बंद होताना पुन्हा 400 लाख कोटी रुपयांच्या खाली आले आहे. आज BSE वर कंपन्यांचे मार्केट कॅप 399.98 लाख कोटी रुपये झाले.

बँक निफ्टीच्या शेअर्सची स्थिती

बँक निफ्टी 148.55 अंकांच्या किंवा 0.31 टक्क्यांच्या वाढीसह 48,730.55 च्या पातळीवर बंद झाला. बँक निफ्टीच्या 12 पैकी फक्त 4 शेअर्स वाढीसह बंद झाले आणि 8 शेअर्स घसरणीसह बंद झाले.

वाढत्या शेअर्समध्ये, आयसीआयसीआय बँक 1.83 टक्क्यांच्या वाढीसह सर्वाधिक तेजीत होती आणि त्यानंतर फेडरल बँक 0.91 टक्क्यांच्या वाढीसह बंद झाली. ॲक्सिस बँक आणि एचडीएफसी बँकेचे शेअर्सही वाढीसह बंद झाला.