Share Market Closing Latest Update 26 February 2024: सोमवारी शेअर बाजारात जोरदार विक्री झाली. प्रॉफिट बुकींगमुळे बाजारातील प्रमुख निर्देशांक घसरणीसह बंद झाले. सेन्सेक्स 352 अंकांनी घसरून 72,790 वर आला. निफ्टीही 90 अंकांनी घसरून 22,122 वर आला. आयटी आणि बँकिंग क्षेत्रातील विक्रीमुळे बाजारावर दबाव आला.
निफ्टी मिडकॅप 100, निफ्टी आयटी आणि निफ्टी बँक निर्देशांकात घसरण झाली तर बीएसई स्मॉल कॅप निर्देशांकात किरकोळ वाढ झाली. शेअर बाजारात लार्सन अँड टुब्रो, पॉवर ग्रिड, एचयूएल आणि एचडीएफसी बँकेचे शेअर्स वाढीसह बंद झाले, तर एशियन पेंट्स, टाटा स्टील, टेक महिंद्रा आणि टायटनच्या शेअर्समध्ये घसरण झाली.
ऑटो, एनर्जी, इन्फ्रा आणि ऑइल अँड गॅस क्षेत्रातील शेअर्स तेजीसह बंद झाले. सेन्सेक्समधील 30 शेअर्सपैकी 7 शेअर्स वाढीसह आणि 23 शेअर्स घसरणीसह बंद झाले. निफ्टीच्या 50 शेअर्सपैकी 13 शेअर्स वाढीसह आणि 37 शेअर्स घसरणीसह बंद झाले.
आज निफ्टीच्या वाढीमध्ये L&T चा सर्वाधिक वाटा आहे. शुक्रवारीही या शेअरमध्ये वाढ झाली. कंपनीला नवीन ऑर्डर मिळाल्या आहेत आणि ब्रोकरेज देखील सकारात्मक आहे. ब्रोकरेज कंपन्यांच्या नकारात्मक अहवालानंतर पेंट स्टॉकवर दबाव होता.
सत्राच्या सुरुवातीपासूनच एशियन पेंट्सवर दबाव होता. हा शेअर 4% च्या घसरणीसह बंद झाला. आंतरराष्ट्रीय बाजारात किंमती घसरल्याने मेटल शेअर्सवरही दबाव दिसून आला.
व्होडाफोन आयडियामध्ये नफा बुकिंग दिसून आले, त्यानंतर स्टॉक सुमारे 4% ने खाली आला. निधी उभारणीच्या पर्यायांवर विचार करण्यासाठी मंगळवारी या कंपनीची संचालक मंडळाची बैठक आहे. आज या शेअरवर सकारात्मक ब्रोकरेज अहवालही जारी करण्यात आला आहे.
शेअर बाजारातील घसरणीमुळे बाजारातील बाजार भांडवलात घसरण झाली आहे. बाजारात कंपन्यांचे मार्केट कॅप 392.05 लाख कोटी रुपयांवर बंद झाले जे गेल्या सत्रात 392.81 लाख कोटी रुपये होते. आजच्या व्यवहारात गुंतवणूकदारांच्या संपत्तीत 76,000 कोटी रुपयांची घसरण झाली आहे.
पॉवरग्रिड शेअर्सने सोमवारी इंट्राडे उच्चांक 291.50 गाठला, जी स्टॉकची सर्वोच्च पातळी आहे. कंपनीचे शेअर्स इंट्राडे 3.39% वाढून 291.50 रुपयांच्या विक्रमी उच्चांकावर पोहोचले आहेत. गेल्या 12 महिन्यांत स्टॉक 79% वाढला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.