Dividend Stock: शेअर बाजार सध्या ऑल टाइम हायवर आहे. चार ट्रेडिंग सत्रांच्या या आठवड्यात दोन कंपन्यांच्या डिव्हिडेंडची रेकॉर्ड डेट येत आहे. अशा परिस्थितीत मंगळवारी जेव्हा बाजार उघडेल तेव्हा गुंतवणूकदारांचे या दोन्ही कंपन्यांच्या शेअर्सवर लक्ष असेल.

यातली पहिली कंपनी वेदांत लिमिटेड (Vedanta Limited Dividend) आहे. तर दुसरी कंपनी कॅन फिन होम्स डिव्हिडेंड (Can Fin Homes Dividend) आहे. या दोन्ही कंपन्या 1100% पर्यंत डिव्हिडेंड देत आहेत.

वेदांता लिमिटेडच्या डिव्हिडेंडची रेकॉर्ड डेट आणि एक्स डेट 27 डिसेंबर आहे. कंपनी 1 रुपये फेस व्हॅल्यूच्या आधारे 1100 टक्के म्हणजेच प्रति शेअर 11 रुपये डिव्हिडेंड देणार आहे. ही कंपनी 4089 कोटी डिव्हिडेंड म्हणून देत आहे. या आठवड्यात वेदांताचा शेअर 260 रुपयांवर ट्रेड करत आहे. कंपनीचा 52 आठवड्यांचा उच्चांक 341 रुपये आणि निचांक 208 रुपये आहे.

आर्थिक वर्ष 2024 साठी वेदांता लिमिटेडद्वारे वितरित केला जाणारा हा दुसरा अंतरिम डिव्हिडेंड आहे. यापूर्वी, कंपनीने मे महिन्यात प्रति शेअर 18.5 रुपये अंतरिम डिव्हिडेंड दिला होता. वेदांता लिमिटेडचा डिव्हिडेंड यील्ड 4.3% आहे.

याचा अर्थ असा की जर एखाद्या गुंतवणूकदाराने या स्टॉकमध्ये 1000 रुपये गुंतवले तर त्याला दरवर्षी 43 रुपये डिव्हिडेंड येईल.

तर दुसरीकडे कॅन फिन होम्स ही कंपनी 100% डिव्हिडेंड देत आहे, म्हणजे 2 रुपये फेस व्हॅल्यूच्या आधारावर प्रति शेअर 2 रुपयांचा डिव्हिडेंड मिळेल. आर्थिक वर्ष 2024 साठी कंपनीने दिलेला हा पहिला डिव्हिडेंड आहे.

त्यांचे डिव्हिडेंड यील्ड 0.3 टक्के आहे जे खूप कमी आहे. त्यांची रेकॉर्ड डेट 29 डिसेंबर आहे. हा शेअर सध्या 765 रुपयांवर ट्रेड करत आहे. याचा 52 आठवड्यांचा उच्चांक 910 रुपये आणि नीचांक 486 रुपये आहे.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.