Yes Bank Shares did investors lose confidence number of shareholders fell below 50 lakhs  Sakal
Share Market

येस बँकेवरील गुंतवणूकदारांचा विश्वास झाला कमी? भागधारकांची संख्या 50 लाखांच्या खाली; काय आहे कारण?

Yes Bank Shares: येस बँक अजूनही भागधारकांच्या बाबतीत देशातील सर्वात मोठी बँक आहे.

राहुल शेळके

Yes Bank Shares: येस बँकेच्या शेअर्सवरील गुंतवणूकदारांचा विश्वास कमी झाला आहे का? असा प्रश्न आता निर्माण झाला आहे कारण गेल्या 6 महिन्यांत कंपनीच्या भागधारकांची संख्या कमी झाली आहे. असे असूनही येस बँक अजूनही भागधारकांच्या बाबतीत देशातील सर्वात मोठी बँक आहे.

मात्र, आता ही संख्या 50 लाखांवर आली आहे. येस बँकेने या वर्षाच्या सुरुवातीला आपल्या नावावर एक अनोखा विक्रम केला होता. ही देशातील पहिली बँक ठरली जिच्या भागधारकांची संख्या 50 लाखांच्या पुढे गेली आहे. 31 मार्च 2023 पर्यंत येस बँकेच्या भागधारकांची संख्या 50.6 लाख होती.

मात्र, सप्टेंबरच्या तिमाहीअखेर ही संख्या 48,88,441 वर आली. म्हणजेच बँकच्या भागधारकांची संख्या सुमारे दीड लाखांनी कमी झाली आहे. असे असूनही, भागधारकांच्या बाबतीत ही अजूनही देशातील सर्वात मोठी बँक आहे. विशेष बाब म्हणजे येस बँकेचे सर्व 100% भागधारक सार्वजनिक आहेत.

भागधारकांच्या बाबतीत, येस बँकेनंतर दुसऱ्या क्रमांकावर टाटा पॉवर आहे, ज्याचे सुमारे 38 लाख भागधारक आहेत. टाटा स्टील देखील तिसऱ्या क्रमांकावर आहे, ज्यांच्या भागधारकांची संख्या टाटा पॉवरपेक्षा थोडी कमी आहे. भागधारकांच्या बाबतीत, रिलायन्स इंडस्ट्रीज (RIL) चौथ्या स्थानावर आहे आणि ITC पाचव्या स्थानावर आहे.

एकेकाळी, सुमारे 5,000 कोटी रुपयांची बँक फसवणूक प्रकरण उघडकीस आल्यानंतर येस बँकेचे शेअर्स पूर्णपणे कोलमडले होते. मात्र, गेल्या काही वर्षांत या खासगी बँकेला या संकटातून बाहेर काढण्यात यश आले आहे. आता पुन्हा गुंतवणूकदारांचा विश्वास संपादन करण्याचा प्रयत्न केला जात आहे.

बँकेचा शेअर अजूनही त्याच्या सर्वकालीन उच्च पातळीपासून लांब आहे. गेल्या एका वर्षात येस बँकेच्या शेअर्समध्ये सुमारे 18% वाढ झाली आहे.

नोंद: क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Flood Alert Kolhapur : कोल्हापुरात पाऊस थांबला तरीही पंचगंगा नदीची धोका पातळीकडे वाटचाल, आलमट्टीतून विसर्ग वाढला

CIBIL Score: तुमचा CIBIL आताच सुधारा, जर तुमचा सिबिल खराब असेल तर नोकरीही मिळणार नाही

Viral video : धावत्या एसटी बसमध्ये मद्यधुंद कंडक्टरचा राडा, ड्रायव्हरने बस थांबवली अन्... व्हिडिओ व्हायरल

Rain-Maharashtra Latest Live News Update: गेल्या २४ तासांत घाट क्षेत्र आणि उत्तर कोकणात अनेक ठिकाणी अतिवृष्टीची नोंद

Sickle Cell Patients in Crisis: सिकलसेल रुग्ण संकटात; डागा रुग्णालयात हायड्रॉक्सीयुरियाचा तुटवडा, उपचाराऐवजी रुग्णांना दाराबाहेर

SCROLL FOR NEXT