dhing tang
dhing tang  
संपादकीय

वैशाख वणवा! (ढिंग टांग!)

ब्रिटीश नंदी
वैशाखाच्या वणव्यामध्ये
जळते सैराटाची ओल
ऋतुचक्राच्या मधील आरी
फिरते केवळ गोलंगोल

अगा उदारा, किती पाहसी
कळीकाळाची अशी कसोटी
किती पाहसी वाट सख्या रे,
जीवित्वाची फुटेल कवटी

वैशाखाच्या जिन्याखालती
वेटोळ्यांकित सुने कुलुंगी
लहा लहा अन्‌ जीभ गाळते
लाळ कोठली सांगोवांगी

वैशाखाच्या आभाळातच
शापित काही लवलवणारे
मळकट काही सुके मेघ अन
फोलकटासम तडतडणारे

वैशाखाच्या तळात काही
धगधगणारे जिवंत इंगळ
चुल्ह्यावरती रटरटणारी
मेजवानीची अभद्र चंगळ

वैशाखाच्या पाणवठ्यावर
तुडुंब भरते असली कोरड
भग्न घड्यांची जुनी खापरे
अवकाळाशी करिती बडबड

वैशाखाची धृष्ट वासना
घुसमटते असहाय चराचर
शेतकऱ्याची पोर फुटावी,
तशी सृष्टीची होते तडफड

वैशाखाच्या फांदीवरती
कुठे लटकल्या शुष्क सावल्या
ैंउन्हात जळत्या वाटेवरती
तहानलेल्या मूक माऊल्या

वैशाखाच्या थैमानातच
धरतीपोटी धरेल जीव
एका अमृतथेंबामधुनी
देत दिलासा एक वळीव!
-ब्रिटिश नंदी
..................................

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

Naresh Mhaske: म्हस्केंच्या उमेदवारी विरोधात भाजपत नाराजी; नवी मुंबईतील 65 पदाधिकाऱ्यांचा राजीनामा

SRH vs RR Live IPL 2024 : राजस्थान क्वालिफाय करणार की हैदराबाद मजबूत स्थितीत पोहचणार?

Fact Check : एकाच व्यक्तीकडून भाजपला पाच मत देणारा 'तो' व्हिडीओ दिशाभूल करणारा; व्हायरल होत असलेला व्हिडीओ 'मॉक पोल' चा

PPF : दररोज 250 रुपये वाचवून तयार होईल 24 लाखांचा फंड, कसा ते वाचा ?

Rinku Singh T20 WC 2024 : रोहितला जास्त पर्याय... रिंकू सिंहला वगळण्याबाबत अजित आगरकर काय म्हणाला?

SCROLL FOR NEXT