पंचांग -

शनिवार : वैशाख शुद्ध ३, चंद्रनक्षत्र मृग, चंद्रराशी मिथुन, चंद्रोदय सकाळी ८.२९, चंद्रास्त रात्री १०.१०, सूर्योदय : ६.०२, सूर्यास्त : ६.५९, तिसरी तीज, विनायक चतुर्थी, अगस्ती लोप, भारतीय सौर वैशाख २५ शके १९४३.

दिनविशेष -

१९५२ : लोकसभेचे पहिले सभापती म्हणून ग. वा. तथा दादासाहेब मावळंकर यांची निवड. मुंबई विधानसभेचे पहिले सभापती म्हणूनही त्यांनी काम पाहिले होते.

१९८० : संपूर्ण भारतीय बनावटीच्या ‘आयएनएस गोदावरी’ या पाणबुडीचे माझगाव गोदीत जलावतरण.

१९९३ : स्वातंत्र्यानंतरचे पहिले भारतीय लष्करप्रमुख, फील्ड मार्शल के.एम.करिअप्पा यांचे निधन.

१९९४ : जागतिक हौशी स्नूकर अजिंक्‍यपद स्पर्धेतील पहिला व एकमेव भारतीय विजेता ओम आगरवाल यांचे निधन.

१९९४ : प्रसिद्ध चित्रकार व कॅलेंडर चित्र निर्मितीतील अध्वर्यू पी. सरदार यांचे निधन.

२००० : जुन्या जमान्यातील चित्रपट व नाट्य अभिनेते सज्जन यांचे निधन.

२००४ : गेली सहा-सात दशके डॉ. बाबासाहेब आंबेडकर आणि भगवान गौतम बुद्धांचा विचार लोकगीते आणि शाहिरीतून सांगणारे लोककवी वामनदादा कर्डक यांचे निधन.

दिनमान -

मेष : जिद्दीने कार्यरत राहाल. मनोबल व आत्मविश्‍वास उत्तम राहील.

वृषभ : आर्थिक कामास दिवस अनुकूल आहे. व्यवसायात उत्तम उलाढाल होईल.

मिथुन : उत्साह व उमेद वाढविणारी एखादी घटना घडेल. इतरांवर प्रभाव राहील.

कर्क : वस्तू गहाळ होणार नाहीत याची दक्षता घ्यावी. खर्चाचे प्रमाण वाढेल.

सिंह : अनेकांचे सहकार्य लाभेल. मित्रमैत्रिणींबरोबर सुसंवाद साधू शकाल.

कन्या : तुमचा इतरांवर प्रभाव राहील. सार्वजनिक क्षेत्रात मानसन्मान लाभेल.

तुळ : एखादी भाग्यकारक घटना घडेल. तुमचे कार्यक्षेत्र वाढणार आहे.

वृश्‍चिक : वादविवाद टाळावेत. मनोबल कमी राहील.

धनु : वैवाहिक जीवनात विसंवाद संभवतो. तुमचा इतरांवर प्रभाव राहील.

मकर : खर्चाचे प्रमाण वाढेल. काहींना मानसिक अस्वस्थता जाणवेल.

कुंभ : महत्त्वाचे आर्थिक निर्णय घेवू शकाल. संततिसौख्य लाभेल.

मीन : मानसिक प्रसन्नता लाभेल. मन आनंदी व आशावादी राहील.