पंचांग -
रविवार - आषाढ कृ. १६, चंद्रनक्षत्र आर्द्रा, चंद्रराशी मिथुन, सूर्योदय ६.०९, सूर्यास्त ७.१४, चंद्रोदय प. ४.२९, चंद्रास्त सायं. ६.१५, भारतीय सौर २८, शके १९४२.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

दिनविशेष -
१७४५ - पहिल्या बाजीरावाचे खंदे सहकारी आणि शिंदे-होळकर म्हणून गाजलेल्या जोडीतील पराक्रमी वीर पुरुष राणोजी शिंदे यांचे निधन.
१९३८ - खगोलशास्त्र व खगोलभौतिकी या क्षेत्रांतील आंतरराष्ट्रीय कीर्तीचे शास्त्रज्ञ डॉ. जयंत विष्णू नारळीकर यांचा जन्म. १९६४ मध्ये केंब्रिजमधील शास्त्रज्ञ प्रा. फ्रेड हॉईल यांच्यासमवेत संशोधन करून त्यांनी गुरुत्वाकर्षणासंदर्भातील एक नवा सिद्धांत मांडला. 
१९४७ - म्यानमारमधील (ब्रह्मदेश) नेते उपाध्यक्ष आँग सान यांची रंगून येथे हत्या. सध्या ब्रह्मदेशातील (म्यानमारमधील) हुकूमशाहीविरोधी लढ्याचे नेतृत्व करणाऱ्या आँग सान सू क्‍यी या त्यांच्या कन्या होत.
१९६९ - देशातील चौदा मोठ्या बॅंकांचे राष्ट्रीयीकरण करण्याचा वटहुकूम जारी. राष्ट्रीयीकरणानंतर भारतात ज्या वेगाने बॅंकिंग उद्योगाची भरभराट झाली, ती जगातही अपूर्व स्वरूपाची होती.
१९९२ - ज्येष्ठ उर्दू कवी मजरुह सुलतानपुरी यांना मध्य प्रदेश सरकारतर्फे इक्‍बाल सन्मान पुरस्कार प्रदान.
१९९३ - ग्रामीण भागातील महिलांचे जीवनमान सुधारण्यासाठी डॉ.बानू कोयाजी यांनी केलेल्या कार्याबद्दल त्यांना समाजसेवेसाठीचा ‘रॅमन मॅगसेसे पुरस्कार’ जाहीर.
१९९५ - सोलापूर आणि पुणे येथे रुग्णोपयोगी साहित्य संग्रहित करुन गरजूंना उपलब्ध करुन देण्याच्या उपक्रमाचे संस्थापक द. प्र. भावे ऊर्फ भावे गुरुजी यांचे निधन.
१९९८ - बोस्टन (अमेरिका) येथे झालेल्या अमेरिकन खुल्या कॅरम स्पर्धेत पुण्याच्या डॉ.अमित केळकरने सलग दुसऱ्या वर्षी विजेतेपद पटकाविले.
१९९९ - दक्षिण आफ्रिकेच्या पेन्नी हेन्सने महिलांच्या २०० मीटर बॅंकस्ट्रोक, सहाव्या जेनेट इव्हान आमंत्रित जलतरण स्पर्धेत विश्‍वविक्रम नोंदविला. तिने ही शर्यत २ मिनिटे २४.५१ सेकंदांत पूर्ण केली.

दिनमान -
मेष : उत्साह, उमेद वाढेल. अनेक कामे हातावेगळी करण्यात यश लाभेल.
वृषभ : पत्नीचा सल्ला लाभदायक ठरेल. आर्थिक प्रगती होईल. मानसिक उत्साह वाढेल.
मिथुन : हाती घेतलेली कामे मार्गी लागतील. सार्वजनिक कामात प्रतिष्ठा लाभेल.
कर्क : खर्च वाढणार आहेत. एखादी मानसिक चिंता त्रास देईल.
सिंह : अनेकांचे सहकार्य मिळविण्यात यशस्वी व्हाल. कामे मार्गी लागतील.
कन्या : व्यवसायात प्रगती होईल. तुमच्या व्यक्‍तिमत्त्वाचा प्रभाव पडेल.
तुळ : एखादी भाग्यकारक घटना घडेल. शैक्षणिक क्षेत्रात यश लाभेल.
वृश्‍चिक : कामात अडचणी जाणवतील. कर्मचारी वर्गाचे सहकार्य लाभणार नाही.
धनु : महत्त्वाची कामे उरकून घ्यावीत. नवीन परिचय होतील. मानसिक उत्साह वाढेल.
मकर : वैवाहिक जीवनात मतभेदाची शक्‍यता आहे. अडचणी जाणवणार आहेत.
कुंभ : मुलामुलींच्या संदर्भात एखादी चांगली घटना घडेल. व्यवसायात स्थिती उत्तम राहील.
मीन : तुमच्या व्यक्‍तिमत्त्वाचा प्रभाव पडेल. सार्वजनिक कामात यश लाभेल.

Edited By - Prashant Patil