आजचे दिनमान 
मेष : पत्नीचा सल्ला लाभदायक ठरेल. आर्थिक कामे उरकून घ्यावीत. भागीदारी व्यवसायात चांगली स्थिती राहणार आहे. मनोबल वाढेल. अनेकांचे सहकार्य लाभेल. 

वृषभ : नातेवाइकांचे सहकार्य लाभणार नाही. प्रवास शक्‍यतो पुढे ढकलावेत. आर्थिक क्षेत्रात धाडस नको. प्रॉपर्टीचे व्यवहार विलंबाने होणार आहेत. विरोधकावर मात कराल. 

मिथुन : उधार, उसनवारी वसूल होईल. व्यवसायातील तुमचे निर्णय अचूक ठरतील. व्यवसायवाढीच्या दृष्टीने काही नवीन संबंध प्रस्थापित करू शकाल. प्रॉपर्टीच्या क्षेत्रातील व्यक्‍तींना विशेष लाभ होतील. 

कर्क : तुमच्या व्यक्‍तिमत्त्वाचा प्रभाव पडेल. कला, संगीत, नाट्य या क्षेत्रात यश लाभेल. नवे स्नेहसंबंध जुळतील. सांस्कृतिक कार्यात सहभागी होण्याची संधी मिळेल. 

सिंह : दानधर्म कराल. धार्मिक कार्याकरिता खर्च कराल. प्रॉपर्टीच्या क्षेत्रातील व्यक्‍तींना कामामधील अडथळ्यांना तोंड द्यावे लागेल. व्यवसायात तुम्हाला मनासारखे लाभ होतील. 

कन्या : काहींची परिचित व्यक्‍तींकडून फसवणुकीची शक्‍यता आहे. जबाबदारी वाढेल. कामाचा ताण वाढेल. सार्वजनिक कामात प्रतिष्ठा लाभेल. कर्तृत्वाला संधी मिळेल. 

तुळ : उत्साह, उमेद वाढेल. तुम्ही आपले विचार व मते इतरांना पटवून द्याल. बौद्धिक क्षेत्रातील व्यक्‍ती विशेष यश संपादन करतील. कर्मचारी वर्गाचे सहकार्य लाभेल. 

वृश्‍चिक : वरिष्ठांबरोबर मतभेदाची शक्‍यता आहे. आरोग्य उत्तम राहील. काहींच्या वैचारिक व बौद्धिक जीवनात अनुकूल परिवर्तनाची शक्‍यता आहे. वैवाहिक जीवनात प्रसन्नता लाभेल. 

धनू : मुलामुलींकरिता जादा खर्च करावा लागेल. कोणत्याही क्षेत्रात धाडसी निर्णय घेऊ नका. खर्च योग्य कामासाठी होणार आहेत. काहींची आध्यात्मिक क्षेत्रात प्रगती होईल. 

मकर : कौटुंबिक जीवनात समाधानकारक स्थिती राहील. तुमच्या कार्यक्षेत्रात चांगली संधी मिळणार आहे. व्यवसायाची उलाढाल वाढेल. शत्रुपिडा नाही. काही निर्णय धाडसाने घ्याल. 

कुंभ : हितशत्रूंच्या कारवाया बंद पाडण्यात यशस्वी व्हाल. वरिष्ठांबरोबर मतभेदाची शक्‍यता आहे. बोलण्यामध्ये कडकपणा टाळावा, अन्यथा कटू बोलण्यामुळे शत्रूत्व निर्माण कराल. 

मीन : आरोग्य उत्तम राहील. भागीदारी व्यवसायात चांगले वातावरण राहील. एखादी भाग्यकारक घटना घडेल. आर्थिक लाभाचे प्रमाण वाढेल. काहींना अचानक धनलाभाची शक्‍यता आहे.