बेळगाव: भरधाव इनोव्हा मोटारीने ट्रकला मागून धडक दिल्याने झालेल्या अपघातात हिंदू राष्ट्रसेना बेळगावचा कार्यकर्ता जागीच ठार झाला. तर चौघे जण गंभीर जखमी झाले. शनिवार (ता. ४) पुणे बंगळूर राष्ट्रीय महामार्गावरील सातारानजीकच्या शिरूरजवळ हा अपघात घडला. सचिन निंगप्पा तुप्पट (वय ३२, रा. तुरमुरी) असे त्याचे नाव आहे.
याबाबत समजलेली अधिक माहिती अशी, हिंदूराष्ट्र सेनेचे कार्यकर्ते सचिन तुप्पट हे आपल्या अन्य चार सहकाऱ्यांसह काही कामानिमित्त मुंबईला निघाले होते. पुणे-बंगळूर राष्ट्रीय महामार्गावरून मोटारीतून जात असताना सातारानजीक शिरूर जवळ सेवा रस्त्यावरून महामार्गावर अचानक ट्रक आडवा आला. त्यावेळी भरधाव मोटारीवरील चालकाचा ताबा सुटल्याने मोटार सरळ समोरील ट्रकला जाऊन धडकली.
यावेळी झालेल्या भीषण अपघातात मोटर चालकाच्या बाजूला बसलेले सचिन हे जागीच ठार झाले तर अन्य चौघे जण गंभीर जखमी झाले. पहाटे पाच साडेपाचच्या दरम्यान घडलेल्या या अपघातानंतर काहीनी जखमींना सातारा येथील रुग्णालयात दाखल केले. सध्या जखमींची प्रकृती स्थिर असल्याचे सांगण्यात आले. अपघाताची माहिती मिळताच हिंदूराष्ट्र सेनेचे जिल्हा प्रमुख रविकुमार कोकितकर व त्यांच्या सहकाऱ्यांनी साताऱ्याकडे धाव घेतली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.