कोयनानगर (जि. सातारा) : सह्याद्री व्याघ्र प्रकल्पाच्या बफर झोनमध्ये शामा प्रसाद मुखर्जी जनवन योजनेंतर्गत सवलतीची घरगुती गॅस योजना वन्यजीव विभागाने बंद केली आहे. या धोरणाच्या निषेधार्थ रासाटी येथील कुंभार कुटुंबीय व ग्रामस्थांनी ग्रामपंचायतीच्या अंगणात नुकतेच चुलीवरचे जेवण अभिनव आंदोलन सुरू केले आहे.
 
दोन वर्षांपूर्वी व्याघ्र प्रकल्पाच्या बफर झोनमधील रासाटी ग्रामपंचायतीने वन्यजीव विभागाच्या शामा प्रसाद जनवन योजनेत सहभाग घेतला. त्यापासून गावात कुऱ्हाडबंदी आहे. योजनेच्या माध्यमातून गावातील नागरिकांना सवलतीच्या दरात घरगुती गॅस देण्यात येत होते. यामुळे ग्रामस्थ समाधानी होते. मात्र, तीन महिन्यांपासून योजना बंद झाल्यामुळे ग्रामस्थ नाराज आहेत. वन्यजीव विभागाच्या सर्व अटी मान्य करूनही योजना निधीअभावी बंद आहे. जळण गोळा करण्यासाठी ग्रामस्थांची भटकंती सुरू असली, तरी वन्यजीव विभागाने कुऱ्हाड बंदी व जाचक अटी घातल्या आहेत.
 
त्यामुळे मेटाकुटीला आलेल्या कुंभार कुटुंबीय व ग्रामस्थांनी ग्रामपंचायतीच्या अंगणात चुली पेटवून वन्यजीव विभागाचा निषेध सुरू केला आहे. आंदोलनात लेक लाडकी अभियानाच्या ऍड. शैला जाधव, पाटण पंचायत समितीचे सभापती राजाभाऊ शेलार, माजी सरपंच युवा नेते शैलेंद्र शेलार, आत्माराम शेलार, शिवाजी सपकाळ, रवींद्र सपकाळ, बंडू कदम, रासाटीच्या सरपंच सुरेखा कदम, उपसरपंच अश्विनी सपकाळ, विजय कुंभार, दीपक कदम, प्रकाश कदम यांनी भेट देऊन वन्यजीव विभागाचा निषेध करून चुलीवरच्या जेवणाचा आस्वाद लुटला. वन्यजीव विभागाचे वनपाल एन. जे. तांबे यांनी आंदोलकांची भेट घेऊन कोरोना महामारीमुळे शासनाकडून अनुदान लवकर मिळाले नाही. अनुदान प्राप्त होताच योजना पूर्ववत चालू करणार असल्याचे स्पष्ट केले.

सत्ताधा-यांनी 21 एकर 15 गुंठे क्षेत्रात टाकले आरक्षण; भाजप नेत्याच्या उपस्थित शेतक-यांनी साेडले उपाेषण

सहलीहून परतल्यानंतर 33 विद्यार्थी कोरोनाबाधित? युद्धपातळीवर उपाययाेजना सुरु

कोल्हापुरात राष्ट्रवादी-कॉंग्रेसची बाजी ; शिवसेना, भाजपचीही मुसूंडी

जंगलाची काळजी घ्या; अन्यथा होणार पाच वर्षे शिक्षा, पंचवीस हजार दंड

Edited By : Siddharth Latkar