सातारा : उत्तर प्रदेशात वाल्मीकी समाजातील मुलीवर झालेल्या अत्याचाराचा निषेध नोंदवत गुन्हेगारावर कठोर कारवाई करावी, तसेच उत्तर प्रदेशात राष्ट्रपती शासन लागू करावी, या मागणीसाठी वंचित बहुजन आघाडीने गुरुवारी जिल्हाधिकारी कार्यालयासमोर निदर्शने केली.
वंचित बहुजन आघाडीचे जिल्हा समन्वयक चंद्रकांत खंडाईत यांच्या नेतृत्वाखाली झालेल्या या आंदोलनात जिल्हा समन्वयक बाळकृष्ण देसाई, सातारा तालुकाध्यक्ष श्रीरंग वाघमारे, शशिकांत खराटे यांच्यासह कार्यकर्ते उपस्थित होते. यासंदर्भात राष्ट्रपतींना देण्यासाठी जिल्हाधिकारी कार्यालयात दिलेल्या निवेदनात वंचित बहुजन आघाडीने म्हटले की, उत्तर प्रदेशात सातत्याने दलित व अल्पसंख्याक समाजावर अन्याय, अत्याचार होत आहे. तेथे कायदा व सुव्यवस्था राखण्यात सरकार अपयशी ठरले आहे. त्यामुळे तेथे राष्ट्रपती राजवट लागू करावी.
हाथरस येथील चंदपा गावातील वाल्मीकी समाजातील मुलीवर सामूहिक अत्याचार करण्यात आले आहेत. या घटनेस जबाबदार असलेल्या नराधमांना कठोरात कठोर कारवाई करावी. त्यासाठी स्वतंत्र तपास यंत्रणा लावावी. तसेच या प्रकरणात हलगर्जीपणा करणाऱ्या यंत्रणेचा व कुटुंबाला विश्‍वासात न घेता अंत्यविधी करणाऱ्या सर्व अधिकाऱ्यांची चौकशी करून दोषींवर कडक करावाई करावी, अशी मागणी केली. या मागण्यांचा शासनाने गांभीर्याने विचार करावा, अन्यथा वंचित बहुजन आघाडी देशभर तीव्र आंदोलन करेल, असा इशाराही या वेळी देण्यात आला आहे.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.