कऱ्हाड (सातारा) : मुख्यमंत्री उद्धव ठाकरे (Chief Minister Uddhav Thackeray) यांचा कोयनानगर दौरा आज रद्द झाला. खराब वातावरणामुळे मुख्यमंत्री ठाकरे यांचे हेलिकाॅप्टर परत पुण्याकडे रवाना झाले आहे. जोराचा पाऊस, वारा व ढगाळ वातावरणाने दौरा रद्द झाल्याचे शासकीय सूत्रांनी सांगितले. मुख्यमंत्री ठाकरे यांच्या पाहणी दौऱ्याला ढगाळ वातवरणाचा फटका बसला असून मुख्यमंत्री ठाकरे कोयनानगरच्या दौऱ्यावर येण्यासाठी निघाले होते. मात्र, ढगाळ वातावरण व मुसळधार पावसामुळे त्यांचे हेलिकॉप्टर परत पुण्याकडे गेले आहे. (Ambeghar Landslide Chief Minister Uddhav Thackeray Visit To Koynanagar Cancelled bam92)

मुख्यमंत्री उद्धव ठाकरे यांचे हेलिकॉप्टर पुण्याकडे परत फिरले, असले तरी दौरा रद्द झालेला नाही, असे शासकीय यंत्रणेकडून सांगण्यात येत आहे. त्यामुळे मुख्यमंत्री ठाकरे पुन्हा दौऱ्यावर येणार आहेत. मुख्यमंत्र्यांचा दौरा असल्याने सकाळपासूनच सर्व विभागांचे अधिकारी कोयनेत ठाण मांडून बसले होते. हेलिकॉप्टर कोयनेत आले व घिरट्या घालू लागले. मात्र, खराब हवामानामुळे ते उतरू न शकल्याने हा दौरा रद्द झाल्याचे सांगितले जात आहे. मात्र, दौरा रद्द झाल्याचे अधिकाऱ्यांना माहिती नसल्याने सर्व अधिकारी पावसातच मुख्यमंत्र्यांची वाट पहात थांबले होते.

सध्या कोयनानगर परिसरात मुसळधार पाऊस सुरू आहे. मात्र, हेलिकॉप्टर पुण्याकडे परत फिरले असले तरी दौरा रद्द झालेला नाही. असे शासकीय यंत्रणेकडून सांगण्यात येत आहे. त्यामुळे मुख्यमंत्री उद्धव ठाकरे पुन्हा दौऱ्यावर येणार आहेत.